Kotovo

Kotovo
Котово
Lidnanznam;	Flag;
Valdkund	Venäma
Eläjiden lugu (2021)	21,028 ristitud
Pind	41,62 km²
Pämez'	Natal'ja Jefimčenko; (keväz'ku 2023—)
Telefonkod	+7−84 455-xx-xxx
Avtokod	34, 134
Aigvö	UTC+3 (MSK+0)

Kotovo (ven.: Ко́тово) om Venäman lidn da lidnankund Volgogradan agjan pohjoižes. Se om Kotovon rajonan administrativine keskuz da üks'jäine lidn.

Istorii

Edeline lidnanznam (oli vahvištadud vl 1994)

Eländpunktan aluz om pandud vozil 1710..1720 kuti Kotovo-slabad, ezmäižen tulnuden elämižhe kanzan nimen mödhe. 1950-nzil vozil saudihe kivivoin samižen radnikžilod. Vl 1966 Kotovo sai lidnan statusad.

Kotovon ižandusen päsarakod oma londuseližen gazan ümbriradmine (Korobkovon tegim) i buraudamižmašiništon eksperimentaline pästand. Varuline tegimištzon sijadase kümnes kilometras lidnan röunaspäi, ühtenzoitase raudteverkonke. Sadas kivivoid da londuselišt gazad lidnan ümbrištos.

Geografijan andmused

Lidn sijadase Pen' Kazank-jogen randal (ven.: Малая Казанка 53 km pitte, Donan hurapol'ne bassein), 150 m keskmäižel korktusel valdmeren pindan päl.

Matkad Volgogradhasai om 180 km suvhe orhal vai 225 km avtotedme. Lähembaine järed lidn om Kamišin, 55 km suvipäivnouzmha avtotedme.

Tobmuz

Kotovo om lidnankundan üks'jäižeks eländpunktaks. Lidnankundan pind om 41,62 km².

Lidnankundan tobmuden pämez' om sen Administracijan pämez'. Edeližed lidnan pämehed oma Sergei Lesničenko (tal'vku 2021 — keväz'ku 2023), Vasilii Golosov (eloku 2020 — kül'mku 2021), Miron Pjankov (uhoku 2018 — heinku 2020), Svetlana Kalinina (sügüz'ku 2015 — tal'vku 2017). Lidnan Duman ezimez' om Irina Novomlinova vn 2018 sulakuspäi. Edeline Duman ezimez' om Viktor Kitlär (kezaku 2016 — sulaku 2018).

Eläjad

Vn 2010 Venäman rahvahanlugemižen mödhe lidnan eläjiden lugu oli 24 115 ristitud, rajonan ristitišton kaks' koumandest, vn 2021 — 21 028 ristitud. Kaik 22 450 eläjad oli lidnas vl 2017. Kaikiš suremb lidnan ristitišt oli 28 600 eläjad vl 2000.

Ortodoksižen hristanuskondan ph. Mikoi-arhangelan pühäpert'^[1] om avaitud lidnas, letihe vl 1791.

Lapsiden opendusen aluzkundad oma kuz' päivkodid, viž keskškolad (nomer 1, 2, 3, 4, 6), čomamahtoiden škol, lapsiden da norišton sportškol. Kotovon tegimištoliž-ekonomine tehnikum^[2] om lidnan professionaližen opendusen aluzkundaks.

Homaičendad

Irdkosketused

Kotovo Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Kotovon pühäpertid sobory.ru-saital. (ven.)

[2] Kotovon tegimištoliž-ekonomižen tehnikuman sait (kpet.profiedu.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2021)	21,028 ristitud
Pind	41,62 km²
Pämez'	Natal'ja Jefimčenko (keväz'ku 2023—)
Telefonkod	+7−84 455-xx-xxx
Avtokod	34, 134
Aigvö	UTC+3 (MSK+0)