Petrov Val (ven.: Петро́в Вал) om Venäman lidn Volgogradan agjan pohjoižes, üks'jäine lidnankund sen Kamišinan rajonas.

Petrov Val
Петров Вал
Valdkund Venäma
Eläjiden lugu (2021) 12,285 ristitud
Petrov Val Петров Вал
Pämez' Vladimir Karpov
(reduku 2021—)
Telefonkod +7−84 457-xx-xxx
Avtokod 34, 134
Aigvö UTC+3 (MSK+0)

Istorii vajehta

Eländpunktan aluz om pandud mapertikš vl 1942 žilho raudtesol'men Petrov Val-stancijanno «Saratov — Stalingrad»-jonon sauvomižen aigan, ristikoiči «Tambov — Kamišin»-raudtejonod. Nimitihe jättud kesken kanalan mödhe, kudamb ühtenzoitiži Volgad Donanke ližajogiden kal't Suren Petran käskön mödhe (saudihe 1697−1701), sen kanalan kaks' palad-vagod oma kaičenus tähäsai. Žilo sai lidnan statusad vl 1988.

Petrov Val šingotase raudten holitusel, vedimdepo radab.

Geografijan andmused vajehta

Lidn sijadase Ilovl'-jogen hural randal (ven.: И́ловля 358 km pitte, Donan hura ližajogi), Volgaveren ülüdel, 108 m ü.m.t. keskmäižel korktusel. Matkad Kamišinhasai om 10 km päivnouzmha, Volgogradhasai om 180 km suvhe avtotedme. «Kamišin — Kotovo»-avtotekeskust om lidnan suviröunaks, matkad Kotovohosai om 40 km lodeheze.

Avilovskii-žilo (kaks' ristitud vl 2010) mülüb lidnankundha Petrov Valan ližaks. Lidnankundan pind — 29,4 km².

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 13 239 ristitud, rajonan koume kümnendest. Kaikiš suremb lidnan ristitišt oli 15 300 eläjad vl 2000. Vl 2017 kaik 12 177 ristitud elihe lidnas.

Ortodoksižen hristanuskondan ph. Petr Afonalaižen jumalanpert'[1] om avaitud lidnas vspäi 2012.

Lähembaižed professionaližen opendusen aluzkundad ratas Kamišin-lidnas.

Edeline lidnan pämez' (Administracijan pämez') om Jelena Beregovaja (sulaku 2016 — reduku 2021).

Galerei vajehta

Homaičendad vajehta

  1. Petrov Valan pühäpertid sobory.ru-saital. (ven.)

Irdkosketused vajehta



Volgogradan agjan lidnad
Dubovk | Frolovo | Kalač Donal | Kamišin | Kotel'nikovo | Kotovo | Krasnoslobodsk | Leninsk | Mihailovk | Nikolajevsk | Novoanninskii | Pallasovk | Petrov Val | Serafimovič | Surovikino | Žirnovsk | Urüpinsk | Volgograd | Volžskii