Surovikino (lidn)

Surovikino
Суровикино
Lidnanznam;	Flag;
Valdkund	Venäma
Eläjiden lugu (2021)	18,154 ristitud
Pind	33,43 km²
Pämez'	Jelena Kudlajeva; (kül'mku 2021—)
Telefonkod	+7−84 473-xx-xxx
Avtokod	34, 134
Aigvö	UTC+3 (MSK+0)

Surovikino (ven.: Сурови́кино) om Venäman lidn da lidnankund Volgogradan agjan suvipäivlaskmas. Se om Surovikinon rajonan administrativine keskuz.

Sil sanal voib olda toižid znamoičendoid; miše nähta niid, tulgat tänna.

Istorii

Eländpunktan aluz om pandud vl 1744 kuti Surovikino-futor, nimitihe ezmäižen kanzan mödhe. Surovikino-stancii om olmas vspäi 1900, nimitihe lähižen futoran mödhe. Panihe futorad Kaganovičan rajonan keskuseks vl 1937, vspäi 1957 udesnimitihe Surovikinon rajonaks. Žilo raudtestancijanno da futor ühtenzoitihe aigan mändes, i 1950-nzil vozil futor sai lidnanvuiččen žilon statusad. Om lidnan oiktusidenke vspäi 1966.

Surovikinon ižandusen päsarak om sömtegimišt (konditerine, kolbasan i voin edheotandad), sijaližen maižandusen produkcijan ümbriradmine.

Geografijan andmused

Lidn sijadase Čir-jogen hural randal (ven.: Чир 317 km pitte, Donan oiged ližajogi) 15 kilometras sen lanktendan sijaspäi Cimlänskan vezivaradimhe, 40 m keskmäižel korktusel valdmeren pindan päl. Surovikino-raudtestancii om saudud lidnan keskuses, «Volgograd — Kamensk Šahtil»-keskustal. Matkad Volgogradhasai om 135 km päivnouzmha E40-avtotedme. Lähembaine lidn om Kalač Donal 55 km päivnouzmha avtotedme.

Surovikino om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 20 533 ristitud (kaikiš suremb ristitišt), rajonan ristitišton viž ühesandest. Vl 2017 kaik 18 954 ristitud eliba lidnas.

Ortodoksižen hristanuskondan Mikoi-arhangelan jumalanpert'^[1] om saudud vll 1991−2013 i om avaitud lidnas.

Surovikinon agrarižtegimišton tehnikum^[2], biznesan kolledž^[3] (Volgogradan biznesan institutan pala) i profškol oma lidnan profopendusen aluzkundoikš.

Edeline lidnan pämez' (Administracijan pämez') om Vladimir Rubcov (eloku 2016 — kül'mku 2021).

Homaičendad

Irdkosketused

Surovikino (lidn) Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Surovikinon pühäpertid sobory.ru-saital. (ven.)

[2] Surovikinon agrarižtegimišton tehnikuman sait (surtex.ru). (ven.)

[3] Surovikinon biznesan kolledžan sait (surkb.ucoz.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	18,154 ristitud
Pind	33,43 km²

Pämez'	Jelena Kudlajeva (kül'mku 2021—)
Telefonkod	+7−84 473-xx-xxx
Avtokod	34, 134
Aigvö	UTC+3 (MSK+0)