Zelenogradsk

Zelenogradsk (ven.: Зеленогра́дск, saks.: Selenogradsk, litv.: Krantas; edel 1946. vot — Kranc, saks.: Cranz) om Venäman kurortine lidn Kaliningradan agjan lodehes. Se om Zelenogradskan lidnümbrikon administrativine keskuz.

Zelenogradsk
Зеленоградск

Lidnanznam	Flag
Valdkund	Venäma
Eläjiden lugu (2020)	16,536 ristitud
Pind	17 km²
Pämez'	Sergei Kulakov (viluku 2016—)
Telefonkod	+7−40 150-xx-xxx
Avtokod	39, 91
Aigvö	UTC+2 (MSK−1)

Lidnümbrikon kart

Istorii

Eländpunktan aluz om pandud kuti Prussijan kalanikoiden Pillkoppen-külä («mererandaline lidneihut» prussijan kelespäi). Vl 1282 Prussijan Kranta-Krug-žilo («traktir randal» prussijan i saksan kelišpäi) vajehti sidä, sijazihe ten Klaipedannoks augotišel Kuršan čirakodme. Vspäi 1283 ristankandajiden ordenan lidnuz oli olmas, vaiše puine aluz jäi sišpäi. Vl 1816, konz 300 ristitud elihe žilos, saudihe ezmäižid kül'bendsijid, i Kranc kätihe rekomenduidud kurortaks.

19. voz'sadan keskes Kranc kätihe kunigahan kurortaks (1844) da sid' lidnaks. Raudte tuli lidnha Königsbergaspäi vl 1885, i tulijoiden samha lebud lugu ližadui äjan. Om kaičenus äi vanhid saksan pertid.

Zelenogradsk šingotase Kaliningrad-lidnan eläjiden kurortaks i maižanduzrajonan keskuseks.

Geografijan andmused

Lidn sijadase Baltijan meren suvižel randištol, koume metrad ü.m.t. keskmäižel korktusel, Kuršan čirakon augunno. Matkad Kaliningradhasai om 25 km suvhe elektroraudtedme vai avtol.

Klimat om ven meren kontinentaližen röunal. Heinkun keskmäine lämuz om +17 C°, vilukun −3 C°. Paneb sadegid 800 mm vodes, enamba kezal. Meriveden lämuz sase +16..+17 Cel'sijan gradushasai keskmäras.

Kaik 111 žilod mülüdas lidnümbrikho Zelenogradskan ližaks. Lidnümbrikon pind — 2016,49 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 13 026 ristitud, lidnümbrikon (edel 2016. vot — rajonan) nell' ühesandest, rajonan — 32 271 ristitud. Kaikiš suremb lidnan i lidnümbrikon ristitišt om nügüd'. Vl 2017 kaik 15 493 ristitud elihe lidnas i 35 754 ristitud kaikes lidnümbrikos.

Rahvahad (lidnan eläjad, enamba 0,4 % vl 2010, ozutadud rahvahudenke): venälaižed — 87,0 %, ukrainalaižed — 3,8 %, vaugedvenälaižed — 3,6 %, armenijalaižed — 1,1 %, uzbekalaižed — 0,9 %, totarlaižed — 0,5 %, litvalaižed — 0,5 %, azerbaidžanlaižed — 0,5 %, toižed rahvahad — 2,1 %.

Ortodoksižen hristanuskondan kaks' jumalanpertid om lidnas, enččes katoližes i lüteranižes sauvusiš: Sündun Toižetamižen i ph. Ondrijan Ezikuctud.

Professionaližen opendusen aluzkundad ratas lähembaižiš lidnoiš.

Galerei

• 
  Lidnan administracijan sauvuz vl 2012
• 
  Sündun Toižetamižen päjumalanpert' (ende ph. Adal'bertan pühäpert'), vn 2012 nägu
• 
  Kurortan nägu vn 2013 uhokus
• 
  «Princessa Eliza»-adivpert' (2012)
• 
  Zelenogradsk-raudtestancijan sauvuz vl 2017

Irdkosketused

• Lidnümbrikon tobmuden aluzkundoiden oficialine sait (zelenogradsk.com). (ven.)
• Zelenogradskan lidnümbrik Kaliningradan agjan ohjandusen gov39.ru-saital. (ven.)