Laduškin

lidn Venämas


Laduškin (ven.: Ладушкин, saks.: Laduschkin, pol'š.: Ładuszkin, litv.: Liudvigsortas / Laduškinas; edel 1946 vot — Lüdvigsort (saks.: Ludwigsort)) om Venäman lidn-kurort Kaliningradan agjan suvipäivlaskmas. Se om Laduškinan lidnümbrikon administrativine keskuz.

Laduškin
Ладушкин
 Lidnanznam
Coat of Arms of Ladushkin (Kaliningrad oblast).png
 Flag
Flag of Ladushkin (Kaliningrad oblast).png
Valdkund Venäma
Eläjiden lugu (2017) 4,007 ristitud
Laduškin Ладушкин
Pämez' Nikolai Durnev
(1996−2004,
uhoku 2018—)
Telefonkod +7−40 156-xx-xxx
Avtokod 39, 91
Aigvö UTC+2 (MSK−1)

IstoriiRedigeeri

Eländpunktan aluz om pandud vl 1314. Vl 1593 saudihe bumagmellicad täs. Vl 1709 Fridrih Lüdvig Gol'štein-Bekskii-gercog osti mellicad i nimiti sidä Lüdvigsort. Vl 1894 saudihe raudtestancijan pertid. Oli peneks žiloks Surhe sodahasai (1253 rist. vl 1939).

Geografijan andmusedRedigeeri

Lidn sijadase Baltijan meren Kaliningradan lahten randal, 10 m ü.m.t. keskmäižel korktusel. Matkad Kaliningradhasai om 28 km pohjoižpäivnouzmha. Lähembaižed lidnad oma Mamonovo 22 km suvipäivlaskmha kaikil teil, Baltiisk 15 km lodeheze lahten kal't i Svetlii 10 km pohjoižhe lahten kal't.

Kaks' pen't Ladigino- i Ul'janovk-žilod mülüdas lidnümbrikho Laduškinan ližaks. Lidnümbrikon pind — 28,18 km². Se röunatab Gur'jevskan i Bagrationovskan lidnümbrikoidenke.

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 3 787 ristitud, lidnümbrikon — 3 877 ristitud. Kaikiš suremb lidnan ristitišt oli 4 068 eläjad vl 2015. Vl 2017 kaik 4 088 ristitud elihe lidnümbrikos.

Rahvahad (lidnan eläjad vl 2010, enamba 0,4%, ozutadud rahvahudenke): venälaižed — 91,2%, ukrainalaižed — 3,0%, vaugedvenälaižed — 2,5%, saksalaižed — 0,9%, litvalaižed — 0,6%, toižed rahvahad — 1,8%.

IrdkosketusedRedigeeri



Kaliningradan agjan lidnad
Bagrationovsk | Baltiisk | Černähovsk | Gur'jevsk | Gusev | Gvardeisk | Kaliningrad | Krasnoznamensk | Laduškin | Mamonovo | Neman | Nesterov | Ozörsk | Pionerskii | Polessk | Pravdinsk | Primorsk | Slavsk | Sovetsk | Svetlii | Svetlogorsk | Zelenogradsk