Gvardeisk

Gvardeisk
Гвардейск
Lidnanznam;	Flag;
Valdkund	Venäma
Eläjiden lugu (2020)	13,313 ristitud
Pind	12 km²
Pämez'	Igor' Šaplov; (sügüz'ku 2015—)
Telefonkod	+7−40 159-xx-xxx
Avtokod	39, 91
Aigvö	UTC+2 (MSK−1)

Gvardeisk (ven.: Гварде́йск, pruss.: Tapiow, saks.: Gwardeisk, pol'š.: Gwardiejsk / Tapiewo, litv.: Tepliava / Gvardeiskas; edel 1946. vot — saks.: Tapiau, ven.: Тапиа́у) om Venäman lidn Kaliningradan agjan keskuzpalan päivlaskmas. Se om Gvardeiskan lidnümbrikon administrativine keskuz.

Istorii

Eländpunkt mainitase ezmäižen kerdan vl 1255 Tapiov-žiloks prussijalaižiden puiženno lidnusenno. Vl 1351 saudihe Tevtonan ordenan zamkad. Vl 1502 saudihe kirhad žilos. Žilo sai lidnan oiktusid vn 1722 6. päiväl sulakud.

Ezmäižen mail'man sodan aigan lidnan arhiv paloi lophu ambundan tagut vl 1914. Suren sodan aigan vn 1945 25. päiväl vilukud Rusttan Armijan Videnden gvardijan divizijan 17. gvardijan polk anasti lidnad. Udesnimitihe nügüdläižikš vn 1946 7. päiväl sügüz'kud Kaliningradan agjan toižiden lidnoiden kartte.

Gvardeisk šingotase sömtegimišton edheotandoil (lihakombinat^[1], leibkonditerine kombinat, kalanümbriradai ceh), pakuitezfabrikal i koditehnikan ühthekeradamižen tegimel, mugažo bil'jardoiden fabrik^[2] radab.

Geografijan andmused

Lidn sijadase Pregol'-jogen (ven.: Преголя) da sen Deim-ližajogen (ven.: Дейма) oiktoil randoil tobjimalaz, 10 m ü.m.t. keskmäižel korktusel. Gvardeisk-raudtestancii om hural randal. Matkad Kaliningradan keskushesai om 37 km päivlaskmha orhal, 42 km avtotedme vai raudtedme. Lähembaižed lidnad oma Polessk 24 km pohjoižhe orhal vai 28 km avtotedme i Pravdinsk 23 km suvhe orhal vai 44 km avtol.

Kaik 61 žilod mülüdas lidnümbrikho Gvardeiskan ližaks. Lidnümbrikon pind — 783 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 13 899 ristitud, lidnümbrikon (vn 2014 kezakuhusai — rajonan) nell' ühesandest. Kaikiš suremb lidnan ristitišt oli 14 572 eläjad vl 2002 lähižiden žiloiden ühtištusen jäl'ghe. Kaik 13 186 eläjad oli lidnas vl 2017.

Ortodoksižen hristanuskondan Pühän Joann-endustajan jumalanpert'^[3] (vspäi 1989 kirhan sauvuses) i katoline ph. Iosifan tulendan pühäpert' oma avaitud lidnas.

Professionaližen opendusen aluzkundad ratas lähembaižiš lidnoiš.

Galerei

Tapiau-zamk (2009, kävutihe türmaks vhesai 2020)
Ph. Joann-endustajan jumalanpert', vn 2016 nägu
Sodapalakund (2016, ende läžundkodi)
Lapsiden da norišton keskuz (2016, saksan aigan lidnan ohjastusen pert')
Gvardeisk-päraudtestancijan sauvuz vl 2009

Homaičendad

↑ Gvardeiskan lihakombinatan sait (g-mk.su). (ven.)
↑ Bil'jardoiden edheotandan sait (barskov.ru). (ven.)
↑ Gvardeiskan pühäpertid sobory.ru-saital. (ven.)

Irdkosketused

Lidnümbrikon tobmuden aluzkundoiden oficialine sait (gvardeysk.gov39.ru). (ven.)

Gvardeisk Vikiaitas

	Kaliningradan agjan lidnad
	Bagrationovsk \| Baltiisk \| Černähovsk \| Gur'jevsk \| Gusev \| Gvardeisk \| Kaliningrad \| Krasnoznamensk \| Laduškin \| Mamonovo \| Neman \| Nesterov \| Ozörsk \| Pionerskii \| Polessk \| Pravdinsk \| Primorsk \| Slavsk \| Sovetsk \| Svetlii \| Svetlogorsk \| Zelenogradsk

[1] Gvardeiskan lihakombinatan sait (g-mk.su). (ven.)

[2] Bil'jardoiden edheotandan sait (barskov.ru). (ven.)

[3] Gvardeiskan pühäpertid sobory.ru-saital. (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2020)	13,313 ristitud
Pind	12 km²

Pämez'	Igor' Šaplov (sügüz'ku 2015—)
Telefonkod	+7−40 159-xx-xxx
Avtokod	39, 91
Aigvö	UTC+2 (MSK−1)