Plös (lidn)

lidn Venämas


Plös (ven.: Плёс) om Venäman lidn da lidnankund Ivanovon agjan pohjoižes. Se om agjan kaikiš penemb lidn eläjiden lugun mödhe, mülüb Privolžskan rajonha i Venäman Istorižiden eländpunktoiden nimikirjuteshe federaliženke znamoičendanke.

Plös
Плёс
 Lidnanznam
 Flag
Valdkund Venäma
Eläjiden lugu (2021) 1,896 ristitud
Pind 7 km²
Plös Плёс
Pämez' Svetlana Kornilova
(sulaku 2022—,
velgusentäutai)
Telefonkod +7−49 339-xx-xxx
Avtokod 37
Aigvö UTC+3 (MSK+0)

Istorii vajehta

Eländpunkt mainitase ezmäižen kerdan vl 1238 kuti muretud Batii-hanal lidnuz da lidn. Istorine nimituz om Pleso (ven.: Плёсо). Vl 1410 saudihe ut lidnust. Se sai makundan lidnan statusad vl 1778 i oli tekstiližen agjan päjogiportaks edel «Ivanovo — Kinešm»-raudten sauvondad vl 1871. Ende kaks' kangaztegint, kaks' oludedheotandad i kümne pajad radoiba lidnas.

Plös šingotase turizmal, tegimišton edheotandoid ei ole. Vedadas festivalid joga vodel: äipäiväline, kezaküläpertiden, sportivine, animacine. Pirdajiden eländtaho, fil'mdas fil'mid.

Geografijan andmused vajehta

Lidn sijadase rajonan pohjoižpäivnouzmas, Volgan Gor'kijan vezivaradimen oiktal kukhikahal randal, 84..138 m ü.m.t. korktusil. Volgan leveduz om 650..700 m lidnanno. Šohonk (ven.: Шохонка seičeme kilometrad pitte) lankteb Volgha lidnan territorijal.

Matkad Kostroman agjhasai om üks' kilometr pohjoižhe orhal jogen vastrandal, Ivanovohosai om 61 km suvipäivlaskmha orhal vai 69 km avtotel. Lähembaižed lidnad oma Volgorečensk (Kostroman agj) 20 km päivlaskmha orhal vai 30 km avtotedme, i Privolžsk-rajonkeskuz (raudtestancii) 16 km suvipäivlaskmha orhal vai 18 km avtotedme.

Tobmuz vajehta

Kaik viž žilod i 18 küläd mülüdas lidnankundha Plösan ližaks, üks' külä oli kaikenaigaižeta ristitištota vl 2010. Lidnankundan pind — 96,2 km².

Lidnankundan tobmuden pämez' om sen Administracijan pämez'. Edeline Administracijan pämez' om Ivan Ševelev (semendku 2020 — sulaku 2022). Lidnankundan Nevondkundan ezimez' om Timerbulat Karimov vn 2015 redukuspäi.

Eläjad vajehta

Vl 1939 lidnan ristitišt oli 3 559 eläjad. Vn 2010 Venäman rahvahanlugemižen mödhe lidnan eläjiden lugu oli 2 340 ristitud, lidnankundan — 3 672 ristitud, rajonan ühesandez. Vl 2017 lidnan ristitišt oli 1 796 eläjad, kaiken lidnankundan 2 966 eläjad. Kaikiš suremb lidnan ristitišt oli 3,5..4 tuhad eläjid vozil 1939−1998 (4 tuh. rist. vll 1959 i 1992).

Rahvahad (2010): venälaižed — 97,6 %, toižed rahvahad — 2,4 %.

Ortodoksižen hristanuskondan üks'toštkümne pühäpertid[1] oma avaitud lidnas lähižidenke ezilidnoidenke: Pühän Jumalanmaman Emäganpäivän päjumalanpert' (om letud vll 1699−1800), seičeme jumalanpertid i koume časounäd.

Lapsiden opendusen aluzkundad oma päivkodi, keskškol, čomamahtoiden škol, sportškolan palakund (hihtandsport). Plösan biznesan da turizman kolledž[2] om lidnan professionaližen opendusen aluzkundaks.

Galerei vajehta

Homaičendad vajehta

  1. Plösan pühäpertid sobory.ru-saital. (ven.)
  2. Plösan biznesan da turizman kolledžan sait (pleskol.ru). (ven.)

Irdkosketused vajehta



Ivanovon agjan lidnad
Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug