Kohm

Kohm
Кохма
Lidnanznam;	Flag;
Valdkund	Venäma
Eläjiden lugu (2021)	30,940 ristitud
Pind	12,6 km²
Pämez'	Maksim Komissarov; (tal'vku 2019—)
Telefonkod	+7−4932-xxx-xxx
Avtokod	37
Aigvö	UTC+3 (MSK+0)

Kohm (ven.: Ко́хма) om Venäman lidn da lidnümbrik Ivanovon agjan keskuzpalan päivlaskmas. Se om agjan seičemenz' lidn eläjiden lugun mödhe, om ümbärtud Ivanovon rajonan territorijal.

Istorii vajehta

Eländpunkt mainitaškanzihe kuti Roždestveno-Kohm-žilo (ven.: Рождествено-Кохма) vspäi 1619, möhemha Kohm-žilo. Nimitihe tahondan amuižen nimitusen mödhe. Šingotihe kanghiden tehmižel 18.-19. voz'sadas. Žilo sai lidnan statusad vl 1925. Vll 1935−1948 oli Kohman rajonan keskuseks, sid' mülüi Ivanovon rajonha. Vspäi 2005 om erižeks lidnümbrikoks.

Kohm šingotase bumagkanghiden kombinatal, pölvazkahghiden fabrikal i čuhunduzlibutimiden tegimel^[1] (enččes «Strommašina»-edheotand).

Geografijan andmused vajehta

Lidn sijadase Uvod'-jogen molembil randoil (ven.: Уводь 185 km pitte, Kläz'man hura ližajogi), 120 m ü.m.t. keskmäižel korktusel. Matkad Ivanovon röunhasai om üks' kilometr lodeheze orhal vai avtotel, kümne kilometrad raudtel, keskushesai — 10 km lodeheze orhal vai avtotel. Toižed lähembaižed lidnad oma Šui 15 km päivnouzmha-suvipäivnouzmha orhal, 17 km avtotedme vai raudtedme, i Teikovo 35 km päivlaskmha-suvipäivlaskmha orhal, 45 km avtotedme vai raudtedme.

Kaks'kilometrine raudtesarak tuleb lidnan pohjoižhe «Ivanovo — Vladimir»-keskustaspäi, se radab vaiše jüguiden täht.

Tobmuz vajehta

Kohm om lidnümbrikon üks'jäižeks eländpunktaks.

Edeline lidnümbrikon pämez' (Administracijan pämez') om Roman Vlasov (kezaku 2017 — tal'vku 2019). Lidnümbrikon Duman ezimez' om Gennadii Gluharev vn 2020 redukuspäi, edeline ezimez' om Jelena Kuvšinova (reduku 2015 — reduku 2020).

Eläjad vajehta

Vl 1939 lidnan ristitišt oli 18 983 eläjad. Vn 2010 Venäman rahvahanlugemižen mödhe lidnan eläjiden lugu oli 29 411 ristitud. Kaik 30 316 eläjad oli lidnas vl 2017. Kaikiš suremb lidnan ristitišt om 29..30 tuhad eläjid vspäi 2010 (30 500 rist. vl 2018).

Rahvahad (2010): venälaižed — 94,3 %, ukrainalaižed — 1,2 %, toižed rahvahad — 4,5 %.

Ortodoksižen hristanuskondan nell' pühäpertid^[2] oma kaičenus i saudud lidnas: Jumalanmaman Blagoveššenjan jumalanpert' (om saudud vll 1998−2007) i koume časounäd. Niiden ližaks nell' jumalanpertid oma kadonuded.

Kohman industrialine kolledž^[3] om lidnan professionaližen opendusen aluzkundaks.

Galerei vajehta

Lapsiden kirjišt i lidnan muzei (2017)
Vezivaradimen üläuit lidnas, vn 2017 nägu
Kohman bumagkanghiden kombinat vl 2017
«Visšaja Liga»-torguindkeskuz (2018, Üläühtnend, ende fabrikan kudondkorpus)
Lapsiden čomamahtoiden škol (2013, ende Jasüninskii-torgovanoiden usadiban päine pert')

Homaičendad vajehta

↑ «MSG-kran»-kompanijan sait (msg-crane.ru). (ven.)
↑ Kohman pühäpertid sobory.ru-saital. (ven.)
↑ Kohman industrialižen kolledžan sait (kik37.ru). (ven.)

Irdkosketused vajehta

Lidnümbrikon tobmuden aluzkundoiden sait (kohma37.ru). (ven.)

Kohm Vikiaitas

	Ivanovon agjan lidnad
	Furmanov \| Gavrilov Posad \| Ivanovo \| Jurjevec \| Juž \| Kinešm \| Kohm \| Komsomol'sk \| Navoloki \| Plös \| Privolžsk \| Pučež \| Rodniki \| Šui \| Zavolžsk \| Teikovo \| Vičug

[1] «MSG-kran»-kompanijan sait (msg-crane.ru). (ven.)

[2] Kohman pühäpertid sobory.ru-saital. (ven.)

[3] Kohman industrialižen kolledžan sait (kik37.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	30,940 ristitud
Pind	12,6 km²

Pämez'	Maksim Komissarov (tal'vku 2019—)
Telefonkod	+7−4932-xxx-xxx
Avtokod	37
Aigvö	UTC+3 (MSK+0)