Gavrilov Posad

Gavrilov Posad
Гаврилов Посад
Lidnanznam;	Flag;
Valdkund	Venäma
Eläjiden lugu (2021)	5,429 ristitud
Pind	10 km²
Pämez'	Nikolai Molčanov; (sulaku 2022—)
Telefonkod	+7−49 355-xx-xxx
Avtokod	37
Aigvö	UTC+3 (MSK+0)

Gavrilov Posad (ven.: Гаври́лов Поса́д) om Venäman lidn da lidnankund Ivanovon agjan suvipäivlaskmas. Se om Gavrilov Posadan rajonan administrativine keskuz.

Istorii

Eländpunkt mainitase ezmäižen kerdan vl 1434 kuti Gavrilovskoje-žilo. 17. voz'sadaspäi Gavrilovskai-slabad (ven.: слобода Гавриловская) šingotihe Moskvan ruhtinasiden hebonvodindfermal. Slabad sai lidnan statusad vl 1789.

Gavrilov Posad šingotase hebonvodindfermal tähäsai, torguindal da turizmal^[1], omblendedheotandal^[2].

Geografijan andmused

Lidn sijadase Irmes-jogen randoil (ven.: Ирмес vai Ирспис 70 km pitte, Kläz'man hurapol'ne bassein), 120 m ü.m.t. keskmäižel korktusel. Voimig-jogi (ven. Воймига 36 km pitte) lankteb Irmesha huralpäi lidnas.

Matkad Vladimiran agjhasai om kümne kilometrad päivlaskmha i 10 km suvhe orhal, Ivanovohosai om 71 km pohjoižpäivnouzmha orhal, 92 km avtotel vai raudtel. Lähembaižed lidnad oma Teikovo 42 km pohjoižpäivnouzmha orhal, 48 km avtotedme vai raudtedme, Suzdal' (Vladimiran agj) 26 km suvipäivnouzmha orhal vai 29 km avtotedme, i Jur'jev Pol'skii (Vladimiran agj) 28 km päivlaskmha-suvipäivlaskmha orhal, 41 km avtotedme vai raudtedme. Gavrilov Posad-stancii radab lidnan pohjoižes «Aleksandrov — Ivanovo»-raudtekeskustal.

Tobmuz

Kaik ühesa žilod (niiden kesken koume kaikenaigaižeta ristitištota) i kaks' küläd mülüdas lidnankundha Gavrilov Posadan ližaks. Lidnankundan pind — 96,81 km².

Lidnankundan pämez' om sen Nevondkundan ezimez'. Edeline lidnankundan pämez' oli Vitalii Sidorov (sulaku 2010 — tal'vku 2021, koli). Lidnankundan erigoittud Administracii om likvidiruidud vn 2016 sulakus, Sergei Markov radoi sen jäl'gmäižen pämehen vn 2016 sulakuhusai.

Eläjad

Vl 1939 lidnan ristitišt oli 6 139 eläjad. Vn 2010 Venäman rahvahanlugemižen mödhe lidnan eläjiden lugu oli 6 434 ristitud, lidnankundan — 7 130 ristitud, rajonan kaks' videndest. Vl 2017 kaik 5 715 ristitud elihe lidnas i 6 370 ristitud kaikes lidnankundas. Kaikiš suremb lidnan ristitišt oli enamba kahesad tuhad eläjid vozil 1989−1998 (8 500 rist. vl 1992).

Rahvahad (2010): venälaižed — 95,3 %, armenijalaižed — 1,1 %, toižed rahvahad — 3,6 %.

Ortodoksižen hristanuskondan nell' pühäpertid^[3] oma kaičenus i saudud lidnas: koume jumalanpertid (Illä-endustajan, Mikulai-čudonsädajan, Mikoi-arhangelan) i Jumalanmaman Smolenskan jumalaižen časoun'. Niiden ližaks Hristan Eläbzdusen kivine jumalanpert' kellčuhundusenke (oli saudud vl 1702, sauptihe 1930-nzil vozil, panihe mantazole vl 1969 i saudihe kul'turkeskust sen sijas) i kaks' časounäd ei ole kaičenus.

Lapsiden opendusen aluzkundad oma koume päivkodid (nomer 1, 2, 3), kaks' keskškolad (nomer 1 i 2), lapsiden da norišton keskuz, muzikškol. Professionaližen opendusen aluzkundad sijadasoiš lähembaižiš lidnoiš.

Galerei

Hüvinlattüd Nevondkundaline torg (2021, ven.: Советская площадь)
Illä-endustajan jumalanpert', vn 2017 nägu
Hebonvodindferm lidnas vl 2014
Istorižed torguindrived vl 2020

Homaičendad

Irdkosketused

Lidnankundan oficialine sait (adm-gorpos.ru). (ven.) (angl.) (saks.)
Lidnankundan lehtpoled rajonan гаврилово-посадский.рф-saital. (ven.) (angl.) (saks.)

Gavrilov Posad Vikiaitas

	Ivanovon agjan lidnad
	Furmanov \| Gavrilov Posad \| Ivanovo \| Jurjevec \| Juž \| Kinešm \| Kohm \| Komsomol'sk \| Navoloki \| Plös \| Privolžsk \| Pučež \| Rodniki \| Šui \| Zavolžsk \| Teikovo \| Vičug

[1] Muzejiž-degustacižen «Dvorcovii zavod»-keskusen sait (Pert'kulun tegim, gavrilovposad.com). (ven.)

[2] Gavrilov Posadan omblendmanufakturan sait (gpsh-manufacture.ru). (ven.)

[3] Gavrilov Posadan pühäpertid sobory.ru-saital. (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	5,429 ristitud
Pind	10 km²

Pämez'	Nikolai Molčanov (sulaku 2022—)
Telefonkod	+7−49 355-xx-xxx
Avtokod	37
Aigvö	UTC+3 (MSK+0)