Komsomol'sk (Ivanovon agj)

Komsomol'sk (ven.: Комсомо́льск) om Venäman lidn da lidnankund Ivanovon agjan lodehes. Se om Komsomol'skan rajonan administrativine keskuz (vspäi 1932).

Komsomol'sk
Комсомольск

Valdkund	Venäma
Eläjiden lugu (2021)	8,364 ristitud
Pind	6,46 km²
Pämez'	Jelena Nurgatina (reduku 2015—)
Telefonkod	+7−49 352-xx-xxx
Avtokod	37
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Istorii

Eländpunktan aluz om pandud vl 1927 kuti Ivanovon GRES:an sauvojiden žilo. Uz' GRES radaškanzi vn 1930 redukus. Kätihe radnikžilod oficialižeks nügüdläiženke nimitusenke vn 1931 vilukus, nimitihe kundaližen Komsomol-organizacijan mödhe. Radnikžilo sai lidnan statusad vn 1950 28. päiväl elokud.

Komsomol'sk šingotase elektrusen tehmižel (GRES radab londuseližel gazal), mašinansauvomižel (elektrotehnine mašiništ, elektromagnitad), mecan ümbriradmižel, kanghiden «Kommunar»-fabrikal.

Geografijan andmused

Lidnan i sen rajonan sijaduz agjan kartal (2006)

Lidn sijadase Uhtohm-jogen üläjoksmusen vezivaradimen oiktal randal päpaloin (ven.: Ухто́хма 89 km pitte, Kläz'man hurapol'ne bassein), 145 m ü.m.t. keskmäižel korktusel.

Matkad Ivanovohosai om 36 km päivnouzmha-suvipäivnouzmha orhal vai 58 km avtotel. Toižed lähembaižed lidnad oma Teikovo 22 km suvhe-suvipäivnouzmha orhal vai 31 km avtotedme, i Gavrilov Jam (Jaroslavlin agj) 44 km lodeheze orhal vai 62 km avtotedme. Raudtesarak Komsomol'sk-stancijanke ühtenzoitab Ivanovonke, raudte jätktase Ivanovon agjan röunhasai.

Tobmuz

Komsomol'sk om lidnankundan üks'jäižeks eländpunktaks.

Lidnankundan tobmuden pämez' om sen Nevondkundan ezimez'. Lidnan Administracijan jäl'gmäine pämez' oli Irina Novikova (heinku 2012 — sulaku 2016), organizacii om likvidiruidud.

Eläjad

Vl 1939 lidnan ristitišt oli 15 734 eläjad. Vn 2010 Venäman rahvahanlugemižen mödhe lidnan eläjiden lugu oli 8 693 ristitud, rajonan kaks' videndest, vn 2021 — 8 364 ristitud. Kaikiš suremb lidnan ristitišt oli vl 1939 i enamba 12 tuhad eläjid vozil 1970−1979 (12 320 rist. vl 1970).

Rahvahad (2010): venälaižed — 98,1 %, toižed rahvahad — 1,9 %.

Rahvahad (enamba 0,4 % vl 2021): venälaižed — 89,6 %, kirgizlaižed — 1,4 %, toižed rahvahad — 4,5 %, rahvahuden ozutandata — 4,5 %.

Ortodoksižen hristanuskondan kaks' pühäpertid oma saudud i avaitud lidnas: Raštvoiden jumalanpert' (om letud kivižeks vl 1771 puižen sijas) i časoun' lidnan kaumžomal.

Lapsiden opendusen aluzkundad oma severz'-se päivkodid, kaks' keskškolad (nomer 1 i 2), lapsiden sädamižen pert', čomamahtoiden škol. Professionaližen opendusen aluzkund om Ivanovon energetižen kolledžan Komsomol'skan filial (ende Komsomol'skan lämuzenergetine tehnikum).

Galerei

• 
  Lidnan administracijan sauvuz (2012)
• 
  Raštvoiden jumalanpert', vn 2022 nägu
• 
  Ivanovon GRES:an vanh sauvuz (oiktalpäi) i uz' (huralpäi) vl 2015
• 
  Mad'jaranman ottud plenha mehiden kaum lidnan kaumžomal (2015)

Irdkosketused

• Lidnankundan lehtpoled rajonan oficialižel adminkoms37.gosuslugi.ru-saital. (ven.)