Fil'm (angl.: film «kerteh») om kinočomamahton erine säduz. Se om likujiden kuviden (montažkadroiden) ühtmuz, süžet ühtenzoitab niid. Joga montažkadr kogoneb likumatomiden foto- vai digitaližiden kuviden rivespäi (kadruzišpäi), likundan erižed fazad oma fiksiruidud niil. Fil'm om kulundkaimandanke tobjimalaz.

Kinematograf om sidodud fil'miden sädandha i toštmižhe ristitun radmižen toižend. Se mülütab ičheze fil'man kävutandad kut čomamahton čuraduz (kinočomamaht), kinotehnikan šingotez, kinoindustrii. Sätas fil'mid ümbrišton likujiden kuviden kirjutamižel kinoapparatoiden vai digitaližiden kameriden abul, mugažo tehtas kuvišpäi mul'tiplikacijan i programeffektoiden kävutandanke.

Fil'miden kacund om nügüd'aigaižen kul'turan palaks. Populärižiden fil'miden rolid i vändajad niid akt'orad da aktrisad kändasoiš tetabikš mail'madme, roliden mel'kuvad — tundištabikš. Saudas kinoteatrid fil'miden massižen kacundan täht. Fil'man järgeline hätkeližuz om poltošt-kaks' časud (90..120 minutad). Kodiarvoimižiš ottas TV:d i personaližid kompjuteroid internetanke kacumha fil'mid, erasti kävutadas TV:d videoplejeranke.

Klassifikacii vajehta

Hätkeližusen mödhe
  • lühüdpiduzline fil'm
  • täuz'piduzline fil'm
Audiovizualižen riven i čomamahtoižen forman mödhe
  • kulund:
    • bigifil'm
    • kulundfil'm (tonfil'm)
  • kuva:
    • monohromine fil'm
    • mujufil'm
  • mul'tiplikacii:
    • mul'tfil'm (animacine fil'm)
    • kino-animacine fil'm
  • muzikfil'm, sidä kesken horeografijan elementoidenke
  • fil'm runoiš
Ozutesen formatan mödhe
  • kinofil'm
  • TV-fil'm
  • videofil'm

Homaičendad vajehta


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.