Haapsalu

Haapsalu vai Habsar' (estin kelel: Haapsalu, edel 20. voz'sadad venäkel'ne nimituz oli Gapsal' , roč.: Hapsal) om Estinman lidn valdkundan lodehes. Se om Läänen makundan administrativine keskuz.

Haapsalu / Habsar'
Haapsalu

Lidnanznam	Flag
Valdkund	Estinma
Eläjiden lugu (2018-01-01)	13,142 ristitud
Pind	10,59 km²
Pämez'	Urmas Sukles (1993−2002, reduku 2009—)
Telefonkod	+372-(0)47
Aigvö	tal'vel UTC+2, kezal UTC+3

Vn 2012 lidnan kart

Lidnan video dronaspäi 1 min 7 s hätkte, vn 2022 kezaku

Istorii

Eländpunkt mainitase vspäi 1279 kuti Saare-Läänen (Ezelin) arhijerejankundan rezidencii i oli sil vhesai 1559, konz Danii osti necidä mad. Vll 1583−1710 alištui Ročinman tobmudele, vll 1721−1918 oli Venäman imperijan palaks. Vhesai 1944 znamasine ročin kund eli lidnas. Vl 2004 rušihe raudted lidnannoks Riisipere-žilospäi, se oli olmas vspäi 1905.

Haapsalu šingotase turizmal i kurortlidnaks.

Geografijan andmused

Lidn sijadase Baltijan meren Haapsalu-lahten randal. Moonzundan sarišt om lidnad vaste. Matkad Tallidnan keskushesai om 88 km pohjoižpäivnouzmha orhal vai 100 km avtotedme.

Eläjad

Vn 2011 Estinman rahvahanlugemižen mödhe lidnan eläjiden lugu oli 10 251 ristitud. Kaikiš suremb ristitišt oli 14 617 eläjad vl 1989.

Rahvahad (enamba 0,4% vl 2011): estilaižed — 81,98%, venänikad — 13,92%, ukrainalaižed — 1,77%, vaugedvenälaižed — 0,60%, suomalaižed — 0,56%, toižed rahvahad — 1,17%.

Galerei

• 
  Lidnan ohjastusen pert' i Läänen makundan muzei (2013)
• 
  Haapsalun lidnuz (2012)
• 
  Kurortlidnut penel Väike-Viik-järven randal
• 
  Haapsalun torguindkeskuz (2009)
• 
  Istorine lebukodi (2014)
• 
  Lidnan sportkompleks vl 2013

Irdkosketused

• Lidnan ohjastusen oficialine sait (haapsalu.ee). (est.)