Balakovo
Balakovo (ven.: Балако́во) om Venäman lidn da lidnankund Saratovan agjan pohjoižpäivnouzmas. Se om Balakovon rajonan administrativine keskuz da sen pala.
Lidnanznam.png)
| |
| Valdkund | Venäma |
| Eläjiden lugu (2021) | 186,012 ristitud |
| Pind | 75,51 km² |
| |
| Pämez' | Roman Irisov (sügüz'ku 2018—) |
| Telefonkod | +7−8453-xxx-xxx |
| Avtokod | 64, 164 |
| Aigvö | UTC+4 (MSK+1) |
Istorii vajehta
Eländpunktan aluz om pandud vl 1762 kuti vanhuskolaižiden žilo ühten aigan Irgizan jumalankodidenke. Žilo sai lidnan statusad vn 1911 semendkus. Balakovo lugese ujelimtraktoran i Venäman dizel'likutimen sündundan sijaks.
Saratovan GES om saudud vll 1956−1971. Balakovon AES radab vspäi 1985. Lidn šingotase himižen sarakon edheotandoil (apatit, kuidmaterialad, hil'nikkuid, tehnine räzin), mašiništonsauvomižel (vagonad, dizel'likutimed) i sömtegimištol, sauvondmaterialiden tegimil (teraztorviden vanundtegim, beton, konstrukcijad elektromontažan täht), mugažo mebel'fabrik radab.
Geografijan andmused vajehta
Lidn sijadase Volgan hural randal Saratovan vezivaradimen lopus, GES:an padosein om lidnas, 25 m ü.m.t. keskmäižel korktusel, Volgan Sur' Irgiz-ližajogen oiktal randpolel. Matkad Saratovhasai om 134 km suvipäivlaskmha orhal, 180 km avtotedme vai raudtedme. Lähembaine lidn om Vol'sk 30 km päivlaskmha orhal i Volgadme vai 49 km avtol.
Balakovo om lidnankundan (municipaližen ühtnikan) üks'jäine eländpunkt.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 199 690 ristitud, rajonan ühesa kümnendest. Kaikiš suremb lidnan ristitišt oli 206..208 tuhad vozil 1994−2001 (208 000 rist. vll 1995, 1996 i 1998).
Professionaližen opendusen aluzkundad: koume kolledžad, koume tehnikumad (politehnine[1], tegimištoliž-transportine[2], gubernatorine avtoelektromehanine[3]), üläopendusen aluzkundoiden koume filialad (Moskv, Saratov).
Edeline lidnan pämez' oli Aleksandr Ovsännikov (2013−2018).
Galerei vajehta
-
Administracijan sauvuz (2012)
-
«Balakovo»-adivpert' (2012)
-
Pühän Stroican jumalanpert', vn 2014 nägu
-
Balakovon AES vl 2008
-
Saratovan GES vl 2011
-
Jogiškol (2013, ende kommertine škol)
-
«Raduga»-kul'turkeskuz (2015, Jumalanbembel', ende Mahuncevad-velliden torguindkeskuz)
-
Ivan Mamin-melestegijan da edheotajan usadib (2015)
-
Paisii Mal'cev-torgovanan erižpert'-muzei (2021)
.jpg)
.jpg)
Homaičendad vajehta
Irdkosketused vajehta
| Balakovo Vikiaitas |
| Saratovan agjan lidnad | ||
| Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk | ||