Atkarsk
Atkarsk (ven.: Атка́рск) om Venäman lidn da lidnankund Saratovan agjan päivlaskmas. Se om Atkarskan rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2021) | 23,660 ristitud |
| Pind | 41,58 km² |
| |
| Pämez' | Valerii Čirkov (eloku 2019—) |
| Telefonkod | +7−84 552-xx-xxx |
| Avtokod | 64, 164 |
| Aigvö | UTC+4 (MSK+1) |
Istorii vajehta
Eländpunktan aluz om pandud vl 1699 kuti Venäman Jetkar-kaičendpost (ven.: Еткара). Nimitihe jogen mödhe, se om nimitadud totarižen Jetkara-hanan nimen mödhe kuti hänen ulusan pala vl 1358. Vl 1780 Jetkar-slabad sai makundan lidnan statusad nügüdläiženke nimitusenke. Vl 1872 Atkarsk-raudtestancii radab lidnan keskuzpalas «Tambov — Saratov»-keskustal, vspäi 1893 lidn om raudtesol'meks.
Atkarsk šingotase raudten edheotandoil, kaivuzmašiništon pästandal, omblendfabrikal i meblin edheotandal, pühävoin ekstrakcijan tegimel i maionezan cehal senno, villän oigendusel raudtedme.
Geografijan andmused vajehta
Lidn sijadase Volgaveren ülüdel, Medvedic-jogen oiktal randpolel (Donan hurapol'ne bassein), 1..2 kilometras sen randaspäi, Atkar-jogen (ven.: Аткара 106 km pitte) lanktendan sijas Medvedicha, 180 m ü.m.t. keskmäižel korktusel. Atkar-jogi läbitab lidnan suvipalad. Matkad Saratovhasai om 81 km päivnouzmha orhal, 106 km avtotel vai raudtel. Toižed lähembaižed lidnad oma Kalininsk 55 km suvipäivlaskmha orhal, 78 km avtotedme vai raudtedme, i Petrovsk 54 km pohjoižhe orhal, 88 km avtotedme vai 60 km raudtedme.
Atkarsk om lidnankundan (municipaližen ühtnikon) üks'jäine eländpunkt.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 25 624 ristitud, rajonan koume videndest. Kaikiš suremb lidnan ristitišt oli 28..29 tuhad eläjid vll 1967−2001 (29 112 rist. vl 1979).
Rahvahad (2010): venälaižed — 92,7%, čiganalaižed — 2,1%, totarlaižed — 1,2%, ukrainalaižed — 1,0%, toižed rahvahad — 3,0%.
Ortodoksižen hristanuskondan koume pühäpertid[1] oma olmas lidnas: kaks' jumalanpertid i ph. Mikulai-čudonsädajan časoun' päraudtestancijanno. Islaman pühäpert' om avaitud vspäi 2004.
Atkarskan politehnine kolledž[2] om lidnan professionaližen opendusen aluzkundaks.
Edeline lidnan pämez' om Sergei Vladimirov (2014−2019), nügüd' radab rajonan administracijas.
Galerei vajehta
-
Aktarskan rajonan administracijan sauvuz, vn 2005 nägu (ende lidnan ratuš)
-
Lämoipalonvastaine palakund (2017)
-
Valdkundaline äifunkcionaline keskuz («Minun dokumentad»-ofis, 2017, istorine naižgimnazii)
-
Keskškol nomer 3 (2017, istorine mehiden käzitöiden škol)
-
Atkarsk-päraudtestancijan sauvuz vl 2017
Homaičendad vajehta
Irdkosketused vajehta
| Atkarsk Vikiaitas |
| Saratovan agjan lidnad | ||
| Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk | ||