Suv
Suv (angl.: Suva, mugažo fidžin hindikš) om Fidžin pälidn da kaikiš suremb lidn Suvižiš Valdmerimaiš (päiči Avstralijan da Uden Zelandijan lidnoiš). Se om valdkundan ižandusen da politikan keskuz, Keskuzližen ümbrikon administrativižeks keskuseks mugažo.
| Valdkund | Fidži |
| Eläjiden lugu (2009) | 88,271 ristitud |
| |
| Telefonkod | +679- |
| Aigvö | tal'vel UTC+12, kezal UTC+13 |
Istorii vajehta
Vspäi 1952 Suv om lidnan statusanke. Valdkundan prezidentan pert'kulu, ohjastusen da parlamentan sauvused sijadasoiš lidnas.
Sömän i sauvondmaterialiden tegimed ratas lidnas. Suv om äjiden bankoiden da torguindkeskusiden sija.
Vl 2003 lidn vastsi Suvitün'valdmerižid vändoid koumen kerdan.
Geografijan andmused vajehta
Lidn sijadase Viti Levu-saren suvipäivnouzmaižel randal, penel pol'sarel. Enččel sod ottihe lidnan territorijad. Järedad ezilidnad oma Nasinu i Nausori pohjoižpäivnouzmas.
Klimat om ekvatorialine vihmmecoiden, torokad oleldas. Päivän keskmäine lämuz om +24..+27 C° vodes läbi. Paneb sadegid 3023 mm vodes, vähemba heinkus — 136 mm. Lidnas eile leterandoid lebun täht, no om 78 puištod.
Suv jagase kudeks rajonaks (keskuz, pohjoine, sid' častomaraižen mödhe): Keskuzline, Tamavua, Kanningem (angl. Cunningham), Nabua, Samabula, Muanikau.
Eläjad vajehta
Vn 2007 Fidžin rahvahanlugemižen mödhe 167 975 ristitud elihe lidnaglomeracijas[1] 2048 km² pindal.
Lidnas om läz kahtkümned openduzsijad, sidä kesken Fidžin medicinan openduzsija da Suvitün'valdmerižen universitetan alajaguz (angl.: University of the South Pacific).
Transport vajehta
Suv om järed transportsol'm. Kaks' rahvahidenkeskešt lendimportad sijadasoiš ezilidnoiš: Nandi (NAN, rahvahidenkeskeine todesižikš) da Nausori (lendused valdkundadme da Tuvaluhupäi). Mugažo valdkundan kaikiš suremb port radab valdmeren randal.
Galerei vajehta
-
Ristitud irdal -
Al'bert-puišt -
Torguindkeskusen südäimes -
Kolo I Suv-vezilanktend
Homaičendad vajehta
Irdkosketused vajehta
- Suvan muzejan sait (fijimuseum.org.fj). (angl.)
- Fidžin medicinan openduzsijan sait (fsm.ac.fj). (angl.)
- Suvitün'valdmerižen universitetan sait (usp.ac.fj). (angl.)
| Suv Vikiaitas |
| Valdmerimaiden pälidnad | ||
| Apia | Funafuti | Honiar | Kanber | Madžuro | Ngerulmud | Nukualof | Palikir | Port Morsbi | Port Vil | Suv | Suvitarav | Vellington | ||