Madžuro
Madžuro (marš.: Mājro [mʲæzʲ(ɛ͡ʌ)rˠɤ͡oo̯], angl.: Majuro [ˈmædʒəroʊ]) om Maršalan Sariden pälidn da municipalitet, kaikiš suremb lidn da meriport, üläopendusen keskuz.
Flag
| |
| Valdkund | Maršalan Sared |
| Eläjiden lugu (2011) | 27,797 ristitud |
| Pind | 9,71 km² |
| |
| Telefonkod | +692 |
| Aigvö | UTC+12 |
IstoriiRedigeeri
Eländpunktan aluz om pandud Germanijan torguindpostaks vl 1884. Vll 1920−1945 oli Japonijan imperijan territorijal, sid' AÜV:oiden territorijal. Sai pälidnan statusad valdkundan ripmatomuden aigaspäi vl 1986.
Madžuro šingotase kalanpüdandan i turizman portal, lendimportal, kokosvoin samižel.
Geografijan andmusedRedigeeri
Lidn sijadase valdkundan suvipäivnouzmas, ühtennimižel atollal, koume metrad ü.m.t. keskmäižel korktusel, kogoneb 64 sarespäi. Ristitišton tobj pala eläb koumel sarel atollan päivnouzmas: Delap, Ulig (angl.: Uliga), Džarrit. Azjaline i turistine keskuz om Ulig. Ohjastusen aluzkundad oma saudud Delap-sarel. Lagunan pind — 295 km².
Klimat om tropižiden vihmmecoiden. Kaikenaigaine tullei puhub paksus meren päl, no taifunad oleldas harvoin. Kun keskmäine lämuz om +27,7..+28,1 C°. Ekstremumad oma +20 C° i +36 C°. Paneb sadegid 3334 mm vodes, enamba sügüz'kus-kül'mkus (320..350 mm kus), vähemba vilukus-keväz'kus (194..220 mm kus). Kun keskmäine relätivine nepsuz vajehtase 77..82 % röunoiš.
EläjadRedigeeri
Vl 2008 lidnan eläjiden lugu oli 30 tuhad ristituid, valdkundan kaks' videndest.
HomaičendadRedigeeri
| Madžuro Vikiaitas |
| Valdmerimaiden pälidnad | ||
| Apia | Funafuti | Honiar | Kanber | Madžuro | Ngerulmud | Nukualof | Palikir | Port Morsbi | Port Vil | Suv | Suvitarav | Vellington | ||