Port Morsbi

Port Morsbi (angl.: Port Moresby [ˈmɔːrzbi], tok-pisin: Pot Mosbi) om Papua — Uden Gvinejan pälidn da kaikiš suremb lidn. Sädab Nacionališt pälidnan ümbrikod. Se om ümbärdajan Keskuzagjan administrativižeks keskuseks mugažo.

Port Morsbi
Port Moresby (angl.)
Pot Mosbi (tok-pisin)

Flag
Valdkund	Papua — Uz' Gvinei
Eläjiden lugu (2011)	364,125 ristitud
Pind	240 km²
Pämez'	Paues Parkop (2007—, Powes Parkop)
Telefonkod	+675-
Aigvö	UTC+10

Istorii

Eländpunktan aluz om pandud vl 1873 ühtennimižen merikaran randal. Vl 1964 universitet om saudud siš, sid' lidn kändihe Avstralijan territorijan kul'turižeks keskuseks. Vn 1975 sügüz'kul valdkund sai ripmatomut, i panihe Port Morsbid pälidnaks.

Geografijan andmused

Lidn sijadase valdkundan suves, Uz' Gvinei-saren suvipäivnouzmaižel randal, 35 m ü.m.t. keskmäižel korktusel.

Klimat om tropižen savannan kaks'sezonine, subekvatorialižen meren klimatan röunal. Kun keskmäine lämuz om +26..+28 C° vodes läbi. Ekstremumad oma +10 C° i +36 C°. Paneb sadegid 899 mm vodes, vähemba kezakus-redukus (12..22 mm kus), se om valdkundan üks' kaikiš kuivambiš tahoišpäi. Relätivine nepsuz om korged vodes läbi (75..82 %).

Kut Nacionaline pälidnan ümbrik Port Morsbi jagase ühesaks territorialižeks rajonaks ičeze administracijoidenke.

Eläjad

Vn 2011 Papuan rahvahanlugemižen mödhe lidnan eläjiden lugu oli 364 125 ristitud. Läz 600 tuhad eläjid om ezilidnoidenke.

Eläjiden 60 % oma protestantad, 30 % — katolikad, 10% — animizman polenpidajad.

Irdkosketused

• Nacionaližen pälidnan ümbrikodn oficialine sait (ncdc.gov.pg). (angl.)