Skandinavijan pol'sar'

Skandinavijan pol'sar' (norv.: Den skandinaviske halvøy(a), roč.: Skandinaviska halvön, suom.: Skandinavian niemimaa, ven.: Скандинавский полуостров) om pol'sar' Evropan pohjoižes.

Skandinavijan pol'saren nägu kosmosaspäi tal'vaigan

Geografijan andmused

Pol'sar' sijadase Norvegijan, Ročinman, Suomenman da Venäman territorijoiden südäimes. Pol'saren piduz om 1900 km, leveduz 800 kilometrhasai, pind om läz 800 000 km². Kaikiš korktemb čokkoim om norvegine Gal'höpiggen-mägi 2,459 metrad ü.m.t. kortte.

Vedadas pol'saren kontinentališt röunad Botnižen lahten pohjoižrandaspäi Varanger-fjordannoks. Kolan pol'sar' röunatab Skandinavijan pol'sarenke pohjoižpäivnouzmas.

Ümbärdajad mered (častomaraižen mödhe): Baltijan, Pohjoižmeri, Norvegine (Atlantine valdmeri), Barencan meri (Jävaldmeri). Äiluguižed merenrandaližed sarištod da šherad telustadas laivoiden ujundale.

Klimat

Skandinavijan pol'saren territorijan tobj pala sijadase venos vös, mägirajonad i edahaine pohjoine oma subarktižes vös. Skandinavijan mäged telustadas Atlantižen valdmeren nepsoiden il'mmassoiden ličendale, ka pol'saren klimat om erazvuitte, mugažo suren pidusen meridianha kacten tagut. Gol'fstriman valatoitand pehmdab tal'ven.

Kacu mugažo

• Skandinavii
• Skandinavijan mäged

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.