Pokači (ven.: Покачи́, tot.: Покачи, ukr.: Покачі) om Venäman lidn da lidnümbrik Hantin da Mansin avtonomižen ümbrikon päivnouzmas. Om ümbärtud Nižnevartovskan rajonan territorijal.

Pokači
Покачи
 Lidnanznam
 Flag
Valdkund Venäma
Eläjiden lugu (2020) 18,074 ristitud
Pind 21,84 km²
Pämez' Vladimir Stepura
(reduku 2015—)
Telefonkod +7−34 669-xx-xxx
Avtokod 86, 186
Aigvö UTC+5 (MSK+2)

Istorii vajehta

Eländpunktan aluz om pandud vl 1978 kuti Pokači-vahtžilo samha kivivoid. Nimitihe hantilaižiden Pokačev-rodun mödhe, kenen mal burautihe satusekahid mareiguid. Vn 1983 31. päiväl redukud kätihe radnikžiloks. Vl 1984 sauvoškanzihe ut Pokači-žilod 15 kilometras edeližespäi. Vn 1986 24. päiväl kezakud žilo oli alištunu Langepas-lidnan nevondkundale. Vl 1992 žilo sai lidnan statusad.

Pokači šingotase kivivoin samižel, «Pokačevneftegaz»-kompanii om «Lukoil:an» palaks.

Geografijan andmused vajehta

Lidn sijadase Vat'jogan-jogen oiktal randal (ven.: Ватьёган, 293 km pitte, Obin oigedpol'ne bassein) kahtes kilometras sen lanktendan sijaspäi Agan-jogehe, 55 m keskmäižel korktusel valdmeren pindan päl. Pokači om ümbärtud penil järvil, Sisllor-järv (ven.: Сысллор, läz kut nellikkilometrad) om pohjoižhe lidnaspäi. Matkad Hanti-Mansiiskhasai om 360 km päivlaskmha-suvipäivlaskmha orhal vai 483 km avtotedme. Lähembaižed lidnad oma Langepas (raudtestancii) 59 km suvhe orhal vai 69 km avtol i Kogalim 82 km lodeheze orhal vai 140 km avtol.

Pokači om lidnümbrikon üks'jäine eländpunkt.

Eläjad vajehta

Vn 2010 kaiken Venäman rahvahanlugemižen mödhe lidnan eläjiden lugu oli 17 171 ristitud. Kaik 17 905 eläjad oli lidnas vl 2017. Kaikiš suremb ristitišt om 16..17 tuhad eläjid vspäi 2002 i om nügüd'.

Rahvahad (enamba 1 % vl 2010): venälaižed — 48,7 %, ukrainalaižed — 9,8 %, totarlaižed — 7,6 %, lezgilaižed — 5,5 %, kumikad — 2,7 %, azerbaidžanlaižed — 2,5 %, baškiralaižed — 2,5 %, čečenalaižed — 2,4 %, moldovalaižed — 2,3 %, vaugedvenälaižed — 1,8 %, darginalaižed — 1,6 %, gagauzalaižed — 1,1 %, čuvašalaižed — 1,0 %, toižed rahvahad — 5,2 %, rahvahuden ozutandata — 5,3 %.

Ortodoksižen hristanuskondan Jumalanmaman Katken jumalanpert'[1] om letud da pühästadud vodele 2002. Islaman päpühäpert' om saudud da avaitud vspäi 2002.

Langepasan politehnižen kolledžan Pokačin filial[2] om lidnan professionaližen opendusen aluzkundaks.

Homaičendad vajehta

  1. Pokačin jumalanpert' ugraeparhia.ru-saital. (ven.)
  2. Pokačin filial Langepasan politehnižen kolledžan collegelan.ru-saital. (ven.)

Irdkosketused vajehta



Hantin da Mansin avtonomižen ümbrikon lidnad
Belojarskii | Hanti-Mansiisk | Jugorsk | Kogalim | Langepas | Läntor | Megion | Neftejugansk | Nižnevartovsk | Nägan' | Pit' Jah | Pokači | Radužnii | Sovetskii | Surgut | Urai