Läntor (ven. i ukr.: Лянтор, tot.: Ләнтор) om Venäman lidn da lidnankund Hantin da Mansin avtonomižen ümbrikon keskuses. Se mülüb Surgutan rajonha.

Läntor
Лянтор
 Lidnanznam
Lyantor COA (2006).gif
 Flag
Flag of Lyantor (Yugra).png
Valdkund Venäma
Eläjiden lugu (2017) 39,841 ristitud
Pind 63,07 km²
Pämez' Sergei Mahinä
(semendku 2004—)
Telefonkod +7−34 638-xx-xxx
Avtokod 86, 186
Aigvö UTC+5 (MSK+2)

IstoriiRedigeeri

Eländpunktan aluz om pandud vl 1931 kuti kalanpüdajiden rahvahaline Pim-žilo, nimitihe jogen mödhe. Vl 1966 avaitihe kivivoin da sen gazan Läntoran löudmižsijan, nimitihe Läntor-Tuhlor-järven mödhe. Vl 1978 sauvoškanzihe kivivoin sajiden žilod Piman sijas, udesnimitihe sidä Läntorskii-žiloks. Vn 1992 18. päiväl semendkud se sai lidnan statusad nügüdläiženke nimenke.

Läntor šingotase kivivoin samižel («Läntorneft'»-kompanijan 9 löudmižsijad lidnan ümbrištos, «Surgutneftegaz:an» pala) i kivivoingazan ümbriradmižen tegimel.

Geografijan andmusedRedigeeri

Lidn sijadase Pim-jogen hural randal (390 km pitte, Obin oiged ližajogi), 55 m keskmäižel korktusel valdmeren pindan päl. Vačim-Jagun-jogi lankteb Pimha lidnas. Läntor om ümbärtud penil järvil. Matkad Hanti-Mansiiskhasai om 182 km suvipäivlaskmha orhal vai 365 km avtotedme. Lähembaižed lidnad oma Surgut (lähembaine raudtestancii da rahvahidenkeskeine lendimport avtotedme) 77 km suvipäivnouzmha orhal vai 92 km avtol i Neftejugansk 64 km suvhe orhal vai 134 km avtotedme.

Läntor om lidnankundan üks'jäine eländpunkt. Lidnankundan pind — 87,56 km².

EläjadRedigeeri

Vn 2010 kaiken Venäman rahvahanlugemižen mödhe eläjiden lugu oli 38 992 ristitud, rajonan koumandez. Kaikiš suremb ristitišt oli 40 135 eläjad vl 2015.

Rahvahad (enamba 0,8% vl 2010): venälaižed — 51,4%, totarlaižed — 9,8%, ukrainalaižed — 8,1%, baškiralaižed — 4,1%, kumikad — 3,5%, tadžikalaižed — 2,4%, azerbaidžanlaižed — 2,0%, čuvašalaižed — 1,7%, čečenalaižed — 1,4%, lezgilaižed — 1,2%, nogailaižed — 1,1%, uzbekad — 1,1%, armenijalaižed — 0,8%, kazahlaižed — 0,8%, toižed rahvahad — 6,6%, rahvahuden ozutandata — 4,0%.

Läntoran kivivointehnikum[1] (Jugran valdkundaližen universitetan filial) om professionaližen opendusen aluzkundaks.

HomaičendadRedigeeri

  1. Läntoran kivivointehnikuman sait (lnt.ugrasu.ru). (ven.)

IrdkosketusedRedigeeri



Hantin da Mansin avtonomižen ümbrikon lidnad
Belojarskii | Hanti-Mansiisk | Jugorsk | Kogalim | Langepas | Läntor | Megion | Neftejugansk | Nižnevartovsk | Nägan' | Pit' Jah | Pokači | Radužnii | Sovetskii | Surgut | Urai