Nei (lidn)

Nei
Нея
Lidnanznam;	Flag;
Valdkund	Venäma
Eläjiden lugu (2017)	8,964 ristitud
Pind	16,11 km²
Pämez'	Sergei Ivanov; (sügüz'ku 2016—)
Telefonkod	+7−49 444-xx-xxx
Avtokod	44
Aigvö	UTC+3 (MSK+0)

Nei (ven.: Нея) om Venäman lidn da lidnankund Kostroman agjan keskuses. Se om Nejan rajonan administrativine keskuz.

Istorii

Eländpunktan aluz om pandud žiloks raudtestancijanno udel «Vologd — Vätk»-raudtekeskustal vl 1906, nimitihe jogen mödhe. Vspäi 1905 mecanümbriradai tegim radoi žilos. Vl 1926 kätihe Nejad radnikžiloks, vl 1929 — Nejan rajonan keskuseks. Anttihe Nejale lidnan statusad vn 1958 28. päiväl uhokud.

Nei šingotase mecan ümbriradmižel (klejatud brus i pertin komplektad^[1], mecan pilind), sömtegimištol (leib da leibproduktad), mugažo omblendfabrik i meblin fabrik ratas lidnas.

Geografijan andmused

Lidn sijadase rajonan keskuzpalan suvipäivlaskmas, Nei-jogen oiktal randal tobjimalaz (Volgan hurapol'ne bassein), 105 m ü.m.t. keskmäižel korktusel. Nel'š-jogi (ven.: Нельша 111 km pitte) lankteb Nejha huralpäi lidnan päivnouzmas. Lidn om ümbärtud mecoil. Matkad agjan Kostrom-pälidnhasai om 184 km päivlaskmha-suvipäivlaskmha orhal, 224 km avtotedme vai raudtedme. Lähembaižed lidnad oma Makarjev 46 km suvhe orhal vai 73 km avtotedme i Manturovo 51 km päivnouzmha orhal i 61 km avtotedme vai Transsib-raudtedme.

Nei om lidnankundan üks'jäine eländpunkt. Lidnankundan pämez' radab rajonan-ki pämehen. Edeline lidnankundan i rajonan pämez' oli Valerii Volkov (2008−2016).

Eläjad

Vn 2010 Venäman rahvahanlugemižen mödhe eläjiden lugu oli 9 827 ristitud, rajonan seičeme kümnendest. Kaikiš suremb lidnan ristitišt oli 14 416 eläjad vl 1970. Ortodoksižen hristanuskondan Spiridon Trimifuntalaižen jumalanpert' om saudud vll 2003−2006.

Nejan politehnine tehnikum om professionaližen opendusen aluzkundaks.

Galerei

Vezičuhunduz (2020)
Kodirandantedištandmuzei (2020)
Kundaline kül'bet' vl 2020
Kul'turkeskuz (2020)

Homaičendad

↑ Klejatud brusan tegimen sait (massivcom.ru). (ven.)

Irdkosketused

Lidnankundan lehtpoled Nei-lidnan da Nejan rajonan oficialižel neya.info-saital. (ven.)

Nei (lidn) Vikiaitas

	Kostroman agjan lidnad
	Bui \| Čuhlom \| Galič \| Kologriv \| Kostrom \| Makarjev \| Manturovo \| Nei \| Nereht \| Soligalič \| Šarj \| Volgorečensk

[1] Klejatud brusan tegimen sait (massivcom.ru). (ven.)

[1]

Lidnanznam	Flag
Valdkund	Venäma
Eläjiden lugu (2017)	8,964 ristitud
Pind	16,11 km²

Pämez'	Sergei Ivanov (sügüz'ku 2016—)
Telefonkod	+7−49 444-xx-xxx
Avtokod	44
Aigvö	UTC+3 (MSK+0)