Čuhlom (ven.: Чу́хлома vai Чухломá) om Venäman lidn da lidnankund Kostroman agjan lodehes. Se om Čuhloman rajonan administrativine keskuz.

Čuhlom
Чухлома
 Lidnanznam
 Flag
Valdkund Venäma
Eläjiden lugu (2021) 4,252 ristitud
Čuhlom Чухлома
Pämez' Aleksandr Lebedev
(reduku 2022—)
Telefonkod +7−49 441-xx-xxx
Avtokod 44
Aigvö UTC+3 (MSK+0)

Istorii vajehta

Edeline žilo oli olmas Čuhlomanjärven (kuz'..seičeme kilometrad diametral) pohjoižel randal 10. voz'sadas. Nügüdläine eländpunkt mainitase ezmäižen kerdan vl 1381 kuti lidn järven suvirandal Merän Galičun ruhtinazkundas. Puine lidnuz päjumalanpertinke oliba olmas 16. voz'sadaspäi vn 1727 lämoipalohosai, vspäi 1890 sen rovad oma pudotadud i lidnan puišt om sätud lidnusen sijas.

Čuhlom šingotase mecan ümbriradmižel, pertiden strubiden tehmižel.

Geografijan andmused vajehta

Lidn sijadase rajonan suvipäivlaskmas, Čuhlomanjärven suvipäivnouzmaižel randal, 180 m ü.m.t. keskmäižel korktusel. Pen' Ivanovk-jogi (ven.: Ивановка) läbitab lidnad i lankteb järvhe.

Matk Kostrom-lidnhasai om 150 km suvipäivlaskmha orhal vai 170 km avtotedme pidust' Galičun ülüt. Lähembaižed lidnad oma Galič 46 km suvhe orhal vai 50 km avtotedme i Soligalič 42 km lodeheze orhal vai 48 km avtotedme, raudtestancijad ratas molembiš niiš lidnoiš.

Tobmuz vajehta

Lidn om lidnankundan üks'jäižeks eländpunktaks. Lidnankundan pind — 57,9 km². Kaik om 49 irdad i nell' kujod lidnas.

Lidnankundan pämez' om sen Administracijan pämez'. Edeline lidnan pämez' om Marina Guseva (sügüz'ku 2017 — reduku 2022). Lidnankundan Deputatoiden nevondkundan ezimez' om Marina Kuznecova vn 2023 kül'mkuspäi. Edeližed nevondkundan ezimehed oma Ol'ga Švedova (reduku 2021 — kül'mku 2023) i Igor' Berkutov (reduku 2016 — reduku 2021).

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 5 411 ristitud, rajonan pol'. Kaik 5 054 eläjad oli lidnas vl 2017. Kaikiš suremb lidnan ristitišt oli 5,5..5,6 tuhad eläjid vll 1989−2009.

Rahvahad (enamba 0,4 % vl 2020): venälaižed — 96,1 %, ukrainalaižed — 0,4 %, toižed rahvahad — 2,3 %, rahvahuden ozutandata — 1,2 %.

Ortodoksižen hristanuskondan kaks' jumalanpertid[1] oma kaičenus lidnas: Pühän Jumalanmaman Emäganpäivän (om saudud vl 1730, om avaitud) i Spasan Toižetamižen (letihe läz 1746. vot, ei ole väges). Niiden ližaks Kazanin Jumalanmaman (1804−1934) jumalanpert' i Paraskeva Pätniččan časoun' (1815−1924) ei ole kaičenus.

Čuhloman mectegimišton tehnikum[2] om lidnan professionaližen opendusen aluzkundaks, sijadase Anfimovo-žilos kaks' kilometrad suvhe lidnaspäi.

Galerei vajehta

Homaičendad vajehta

  1. Čuhloman pühäpertid sobory.ru-saital. (ven.)
  2. Čuhloman mectegimišton tehnikuman sait (npopl23.ucoz.org). (ven.)

Irdkosketused vajehta



Kostroman agjan lidnad
Bui | Čuhlom | Galič | Kologriv | Kostrom | Makarjev | Manturovo | Nei | Nereht | Soligalič | Šarj | Volgorečensk