Malmiž

lidn Venämas


Malmiž (ven.: Малмы́ж, mugažo totaran i nitmarin kelil) om Venäman lidn da lidnankund Kirovan agjan suvipäivnouzmas. Se om Malmižan rajonan administrativine keskuz.

Malmiž
Малмыж
 Lidnanznam
Coat of Arms of Malmyzh.png
 Flag
Flag of Malmyzh (Kirov oblast).png
Valdkund Venäma
Eläjiden lugu (2018) 7,422 ristitud
Pind 15 km²
Malmiž Малмыж
Pämez' Oksana Alöškina
(reduku 2017—)
Telefonkod +7−83 347-xx-xxx
Avtokod 43
Aigvö UTC+3 (MSK+0)

IstoriiRedigeeri

Ende lidn oli marilaižiden Malmižan ruhtinazkundan keskuseks (1320-nded voded — 1553). Nimituz libub marin kelen малымаш-sanaspäi «ösija», «lebun sija». Eländpunkt mainitase ezmäižen kerdan vn 1553 käskös alištumha varmitadud tahondad Moskvan carile. Alištuz mäni jügedas, i saudihe venälašt lidnust vl 1580. Mülütihe lidnad Kazanin makundha vl 1584. Malmiž sai lidnanznamad vl 1780 lidnan oficialiženke statusanke. Puine lidnuz paloi lophu vl 1785. Kazanin jarmank i Sabantui-praznik oleskeldas lidnas.

Malmiž om ümbärtud maižanduzrajonal, šingotase sömtegimištol (leibäntegim, spirttegim, voitegim) i dizel'likutimiden kohenduzmehanižel tegimel (vspäi 1931).

Geografijan andmusedRedigeeri

Lidn sijadase rajonan suvipäivlaskmas, Vätk-jogen oiktal randpolel i sen Šošm-ližajogen (109 km pitte, tot.: Шушма) oiktal randal, 100 m ü.m.t. keskmäižel korktusel. Matkad Tatarstanan röunhasai om 8 km päivlaskmha orhal, agjan Kirov-pälidnhasai om 239 km pohjoižhe orhal vai 282 km R169-avtotedme. Lähembaižed lidnad oma Uržum 77 km pohjoižhe-lodeheze orhal vai 91 km avtotedme, Vätkan Poläni 41 km suvipäivnouzmha orhal vai 58 km avtotedme i Kukmor (Tatarstan) 40 km suvhe orhal vai 55 km avtotedme.

Malmiž om lidnankundan üks'jäine eländpunkt.

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 8 265 ristitud, rajonan koumandez. Kaikiš suremb lidnan ristitišt oli 10..11 tuhad eläjid vll 1970−2001 (11 462 eläjad vl 1979).

Rahvahad (2010): venälaižed — 58,1%, totarlaižed — 36,0%, marilaižed — 3,7%, udmurtalaižed — 1,7%, toižed rahvahad — 0,5%.

Lähembaine professionaližen opendusen aluzkund sijadase Savali-žilos 2 km lodeheze lidnaspäi, se om Savalin politehnine tehnikum.[1]

HomaičendadRedigeeri

  1. Savalin politehnižen tehnikuman sait (cavpt.ucoz.ru). (ven.)

IrdkosketusedRedigeeri



Kirovan agjan lidnad
Jaransk | Kirov | Kirovo-Čepeck | Kirs | Kotel'nič | Luz | Malmiž | Muraši | Nolinsk | Omutninsk | Orlov | Slobodskoi | Sosnovk | Sovetsk | Zujevk | Uržum | Vauged Holunic | Vätkan Poläni