Kurlovo

Kurlovo
Курлово
Lidnanznam;	Flag;
Valdkund	Venäma
Eläjiden lugu (2021)	6,309 ristitud
Pind	6,14 km²
Pämez'	Lüdmila Hairulova; (reduku 2020—)
Telefonkod	+7−49 241-xx-xxx
Avtokod	33
Aigvö	UTC+3 (MSK+0)

Kurlovo (ven.: Ку́рлово) om Venäman lidn Vladimiran agjan suves. Mülüb Gus' Hrustal'nijan rajonha lidnankundaks, sen üks'jäine lidn.

Istorii

Eländpunktan aluz om pandud vl 1811 kuti Kurlivo-žilo (ven.: посёлок Курлыво) läz stöklantegint. Kurlivo kändihe Kurlovskii-radnikžiloks (ven. Ку́рловский) vl 1927. Lidnanvuitte žilo sai lidnan statusad vn 1998 semendkus nügüdläiženke nimenke. Lidnan päiv oigendase kezakun 15. päiväl.

Kurlovon ižandusen päsarakod oma stökoltegesiden pästand (astjad, lagilampad) da mecan ümbriradmine. Ühtennimine Kurlovo-raudtestancii om olmas vspäi 1893, se sijadase «Vladimir — Tumskai (Räzanin agj)»-raudtekeskustal.

Geografijan andmused

Lidn sijadase Meščoran alangištos, 130 m ü.m.t. keskmäižel korktusel.

Matkad Vladimirhasai om 81 km pohjoižhe, lähembaižhe Gus' Hrustal'nii-lidnhasai om kahesatoštkümne kilometrad pohjoižhe.

Tobmuz

Kurlovo om lidnankundan üks'jäižeks eländpunktaks.

Edeline lidnan pämez' (municipaližen Kurlovo-lidn-ühtnikan pämez') om Andrei Tiškov (kül'mku 2015 — reduku 2020). Lidnan Administracijan pämez' om Andrei Vidumkin vn 2021 vilukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 6 764 ristitud, rajonan ristitišton kudendez, vn 2021 — 6 309 ristitud. Kaik 6 141 eläjad oli lidnas vl 2017. Kaikiš suremb eländpunktan ristitišt oli 8 664 eläjad vl 1970.

Rahvahad (enamba 0,4 % vl 2021): venälaižed — 97,8 %, toižed rahvahad — 1,2 %, rahvahuden ozutandata — 1,0 %.

Ortodoksižen hristanuskondan üks'jäine ph. Serafim Sarovalaižen puine pühäpert'^[1] om saudud lidnas vll 1991−1999.

Lapsiden opendusen aluzkundad oma severz'-se päivkodid, keskškol, muzikškol, boksan škol. Lähembaižed professionaližen opendusen aluzkundad sijadasoiš Gus' Hrustal'nijas, lidnad ühtenzoittas reisavtobusoil.

Homaičendad

↑ Kurlovon pühäpertid sobory.ru-saital. (ven.)

Irdkosketused

Lidnan tobmuden aluzkundoiden sait (kurlovo-city.ru). (ven.)

Kurlovo Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[1] Kurlovon pühäpertid sobory.ru-saital. (ven.)

[1]

Lidnanznam	Flag
Valdkund	Venäma
Eläjiden lugu (2021)	6,309 ristitud
Pind	6,14 km²

Pämez'	Lüdmila Hairulova (reduku 2020—)
Telefonkod	+7−49 241-xx-xxx
Avtokod	33
Aigvö	UTC+3 (MSK+0)