Gorohovec (ven.: Гороховец) om Venäman lidn Vladimiran agjan päivnouzmas. Lidn om Gorohovecan rajonan administrativine keskuz, mülüb sihe lidnankundaks.

Gorohovec
Гороховец
 Lidnanznam
Coat of Arms of Gorokhovets (Vladimirskaya oblast).png
 Flag
Flag of Gorokhovets (Vladimirskaya oblast).gif
Valdkund Venäma
Eläjiden lugu (2021) 12,617 ristitud
Pind 14,75 km²
Gorohovec Гороховец
Pämez' Jelena Babkina
(reduku 2020—)
Telefonkod +7−49 238-xx-xxx
Aigvö UTC+3

IstoriiRedigeeri

Eländpunktan aluz om pandud vl 1168 lidnuseks Vladimiran da Suzdalin ruhtinazkundan röunal tehmaha londoid Volgan Bulgarijha. Se mainitase ezmäižen kerdan Lavrentijan aigkirjas vl 1239 kuti Pühän Jumalanmaman lidn, kudambad anastajad poltiba. Edel socializman aigad lidnan metallanradoiden mastarid burlakoičiba valdkundadme, äi raudtesildoid om saudud heiden ühtnendanke.

Gorohovecan tegimišton edheotandad oma libutimiden da konvejeroiden tegim, stökoltegim, lihakombinat. Mecan i metallan ümbriradmižen cehad oma Gorohovecan kolledžan bazaks (Väznikan tehniž-ekonomižen kolledžan filial[1]). 20. voz'sadal laivansauvomižen tegim oli olmas (3500 radnikad oleskeli). Kaikiš järedamb Evropas Gorohovecan artillerine poligon sijadase päivnouzmha lidnaspäi, agjoiden röunal.

Geografijan andmusedRedigeeri

Lidn sijadase Kläz'man oiktal randal, 80 m keskmäižel korktusel valdmeren pindan päl. Matkad Vladimirhasai om 157 km päivlaskmha «Volg»-avtotedme (M7). Gorohovec-raudtestancii sijadase 11 km suvipäivnouzmha lidnaspäi «KovrovAlauz'lidn»-raudtekeskustal.

Gorohovec om lidnankundan üks'jäine eländpunkt. Lidnfartaloiden pind om 13 km², kaiken municipalitetan — 14,75 km².

EläjadRedigeeri

Vn 2010 Venäman rahvahanlugemižen mödhe eläjiden lugu oli 14 016 ristitud, rajonan ristitišton koume videndest. Kaikiš suremb ristitišt oli 16 600 eläjad vl 1992.

Ortodoksižen hristanuskondan nell'toštkümne pühäpertid[2] oma kaičenus lidnas: kaks' päjumalanpertid, seičeme jumalanpertid i viž časounäd. Koume jumalankodid (17. voz'sada) da Blagoveščenjan päjumalanpert' (1700) vedatadas turistoid, vl 2017 Gorohovec tuli UNESCO:n Mail'man jäl'gusen ezinimikirjuteshe. 1900-nziden voziden erižpertid čomitadas lidnad, ned oma puspäi Evropan modern-stilinke.

Edeline lidnankundan pämez' (Nevondkundan ezimez') om Jelena Romanova (sügüz'ku 2015 — reduku 2020).

GalereiRedigeeri

HomaičendadRedigeeri

  1. Päandmused Väznikan tehniž-ekonomižen kolledžas sen t130631.spo.obrazovanie33.ru-saital. (ven.)
  2. Gorohovecan pühäpertid sobory.ru-saital. (ven.)

IrdkosketusedRedigeeri



Vladimiran agjan lidnad
Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad