Kovrov

Kovrov
Ковров
Lidnanznam;	Flag;
Valdkund	Venäma
Eläjiden lugu (2021)	134,074 ristitud
Pind	57,4 km²
Pämez'	Jelena Fomina; (sügüz'ku 2020—)
Telefonkod	+7−49 232-xx-xxx
Avtokod	33
Aigvö	UTC+3 (MSK+0)

Kovrov (ven.: Ковро́в) om Venäman lidn da lidnümbrik Vladimiran agjan pohjoižes. Se om agjan kahtenz' surtte lidn eläjiden lugun mödhe, Kovrovan rajonan administrativine keskuz, ei mülü rajonha. Om sodahoštusen lidnaks vn 2011 kül'mkuspäi.

IstoriiRedigeeri

Eländpunkt om olmas 12. voz'sadaspäi. Ei ole todhižid andmusid siš 16. voz'sadahasai, konz Roždestvenskoje-külä oli anttud valdoičemha Kovrovad-ruhtinasile, se zavodihe nimitadas heiden kanzannimen mödhe. Vozil 1567−1764 külä alištui Suzdalin ph. Evfimijan mez'jumalankodile. Vl 1778 sai makundan lidnan statusad. Raudtestancii om olmas vspäi 1862 «Moskv — Alauz'lidn»-raudtekeskustal.

Nevondkundaližel aigal äi lidnan tegimid radoi sodategimišton kompleksan hüvüdele. Kovrovan ižandusen päsarakod oma mašinansauvomine (mehanižed i elektroladimed, metallümbriradmižen tömašinad, katl'ad, gazcentrifugad, mašiništ atomelektrostancijoiden täht, torguindmašiništ), silikatine savič, konteinerad i furnitur sauvondan täht, sporttrenažoriden pästand, tekstil'tegimišt (bumagkanghad, matrasad, mužikkostümad).

Geografijan andmusedRedigeeri

Lidn sijadase Kläz'm-jogen oiktal randal läz täuzin, 125 m keskmäižel korktusel valdmeren pindan päl. Matkad Vladimirhasai om 61 km suvipäivlaskmha orhal vai 80 km avtotedme. Lähembaine lidn om Kameškovo 19 km päivlaskmha orhal vai 27 km avtotedme.

Kovrov om lidnümbrikon üks'jäine eländpunkt.

EläjadRedigeeri

Vn 2010 Venäman rahvahanlugemižen mödhe eläjiden lugu oli 145 214 ristitud. Kaikiš suremb ristitišt oli 160..163 tuhad eläjid vozil 1989−2000 (163 tuh. rist. vll 1995−1996).

Ortodoksižen hristanuskondan 15 pühäpertid^[1] oma olmas lidnas: Sündun Raštvoiden päjumalanpert' (letihe vll 1778−1870), Spasan Toižetamižen päjumalanpert' (1870−1884), kahesa jumalanpertid i viž časounäd. Islaman mečet' (om saudud vll 2014−2019) loičendpertinke oma avaitud.

Professionaližen opendusen aluzkundad oma Kovrovan valdkundaline tehnologine akademii^[2] i viž kolledžad: transportine, tegimištoliž-gumanitarine, medicinine, holitusen da tehnologijoiden, energomehanine. Sodapalakund openduzkeskusenke baziruiše lidnas.

Edeližed lidnan pämehed (merad) oma Anatolii Zotov (keväz'ku 2014 — sügüz'ku 2019, vspäi 2019 Nevondkundan ezimez'), Jurii Morozov (sügüz'ku 2019 — semendku 2020).

TransportRedigeeri

Trolleibusad, avtobusad da taksid oma kundaližeks transportaks lidnas.

Raudte- i avtotesildad Kläz'mas päliči oma lidnas. Kaks'kümnekilometrine sarak tuleb lidnan suvhe «Volg»-avtotelpäi (M7). Raudte ühtenzoitab lidnad Muromanke.

GalereiRedigeeri

Lidnan Duman i torguindrividen istorine sauvuz (2021)
Lidnan muzejan päsauvuz (2013)
Sündun Raštvoiden päjumalanpert', vn 2013 nägu
Spasan Toižetamižen päjumalanpert', vn 2014 nägu
Profškol i Tegimen Degtärövan nimed tulend vl 2013
Kovrovan silikatižen savičun tegim vl 2008
Kul'turkeskuz Leninan nimed (2013)
Kul'turkeskuz Noginan nimed (2013)
Kul'turkeskuz Degtärövan nimed (2013)
«Metallist»-stadionan tulend (2013)
Kovrov-päraudtestancijan sauvuz vl 2006

HomaičendadRedigeeri

IrdkosketusedRedigeeri

Kovrov Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[1] Kovrovan pühäpertid sobory.ru-saital. (ven.)

[2] Kovrovan valdkundaližen tehnologižen akademijan sait (dksta.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2021)	134,074 ristitud
Pind	57,4 km²

Pämez'	Jelena Fomina (sügüz'ku 2020—)
Telefonkod	+7−49 232-xx-xxx
Avtokod	33
Aigvö	UTC+3 (MSK+0)