Murom
Murom (ven.: Муром [ˈmurəm]) om Venäman lidn Vladimiran agjan suvipäivnouzmaiženno röunanno Alalidnan agjanke. Se om agjan koumanz' lidn eläjiden lugun mödhe, om olmas Muroman lidnümbrikon i Muroman rajonan administrativižeks keskuseks, ei mülü rajonha.
Lidnanznam
|
Flag
|
| Valdkund | Venäma |
| Eläjiden lugu (2021) | 105,572 ristitud |
| Pind | 43,78 km² |
| |
| Pämez' | Jevgenii Ričkov (keväz'ku 2011—) |
| Telefonkod | +7−49 234-xx-xxx |
| Avtokod | 33 |
| Aigvö | UTC+3 (MSK+0) |
IstoriiRedigeeri
Eländpunkt mainitase ezmäižen kerdan vl 862 «Aigvoziden starinos» (amuižven. Повѣсть времѧнныхъ лѣтъ) alištunuziden Rürik-ruhtinasele lidnoiden keskes. 10.-11. voz'sadoil Murom — torguindan järed keskuz. Vozil 1127−1392 lidn oli Muroman ruhtinazkundan keskusen.
Vspäi 1778 tegihe makundan lidnaks Vladimiran gubernijas. Vll 1792 i 1805 lujad lämoipalod mureniba vanhad puišt pertištod radialiženke planiruindanke, i vn 1788 generaližen planan uz' oigedsaumaine irdoiden planiruind om oletadud 19. voz'sadal.
Muroman ižandusen päsarakod oma radioladimiden tehmine, transportmašiništ (lämuzvedimed, kärauzimed), metalližkonstrukcijoiden tehmine, sauvondmaterialiden tegimed (faner, raudbeton, katusenmaterialad), tekstil'tegimišt, sömtegimišt (leibän i jauhon pästand).
Geografijan andmusedRedigeeri
Lidn sijadase tazos tahondas, Okanjogen hural randal, 115 m ü.m.t. keskmäižel korktusel. Matkad Vladimirhasai om 120 km lodeheze orhal vai 135 km avtotedme. Lähembaine lidn om Navašino (Alalidnan agj) vides kilometras päivnouzmha orhal, raudtedme vai avtotedme.
Koume žilod da kuz' küläd mülüdas lidnümbrikho Muroman ližaks.
EläjadRedigeeri
Vn 2010 Venäman rahvahanlugemižen mödhe lidnan eläjiden lugu oli 116 075 ristitud, lidnümbrikon — 125 231 ristitud. Kaikiš suremb lidnan ristitišt oli 143 tuhad eläjid vl 1996, necil vodel ühtištuihe lidnanvuittušt Verbovskii-žilod lidnanke. Vl 2017 kaik 109 809 ristitud elihe lidnas i 118 743 ristitud kaikes lidnümbrikos.
Ortodoksižen hristanuskondan Sündun Voznesenjan kafedraline päjumalanpert', viž amušt jumalankodid[1], äiluguižed jumalanpertid da časounäd oma olmas lidnas, mugažo islaman pühäpert' vspäi 2007.
Professionaližen opendusen aluzkundad: industrialine[2], radioelektronižen ladimidensauvomižen[3], tegimištoliž-gumanitarine[4], medicine i pedagogine kolledžad, üläopendusen Moskvan i Vladimiran aluzkundoiden koume filialad.
TransportRedigeeri
Avtobusad da taksid oma kundaližeks transportaks lidnas. Rippui avtotesild ühtenzoitab Okan randoid vn 2009 redukuspäi.
Vl 1880 raudte ühtenzoiti lidnad Kovrovanke. Vspäi 1910 Murom I-raudtestancii da vspäi 1912 raudtesild Okas päliči oma olmas «Moskv — Kazan'»-raudtekeskustal, kiruhjonused ajeltas sil.
Jogiport om lidnas, voib kävutada sidä jüguiden täht, no vaiše turistlaivad ujudas.
GalereiRedigeeri
Lidnümbrikon administracijan sauvuz (2015)
Lidnan muzejan üks' sauvusišpäi (2015, ende Zvorikinad-torgovanoiden usadib)
Spasan Toižetamižen mez'jumalankodi, vn 2019 nägu
Ph. Stroican naižjumalankodin ühtennimine päjumalanpert' i Manmehen torg, vn 2016 nägu
«Aelita»-sintezator, om tehtud Muroman radiosoitoiden tegimel 1980-nzil vozil
Somuzvedim-muštnik vl 2016
Kul'turkeskuz Muroman 1100-nden voz'päivän nimed (2010)
Lapsiden poliklinik (2017)
Avtotesild Okas päliči vl 2013
Murom I-raudtestancijan sauvuz vl 2017
HomaičendadRedigeeri
IrdkosketusedRedigeeri
| Murom Vikiaitas |
| Vladimiran agjan lidnad | ||
| Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad | ||