Komsomol'sk Amural (ven.: Комсомольск-на-Амуре) om Venäman lidn da lidnümbrik Habarovskan randan suves. Se om Komsomol'skan rajonan administrativižeks keskuseks mugažo, randan kahtenz' surtte i Venäman Edahaižen Päivnouzmpolen nellänz' surtte lidn (Vladivostokan, Habarovskan da Jakutskan jäl'ghe).

Komsomol'sk Amural
Комсомольск-на-Амуре
 Lidnanznam
Coat of Arms of Komsomolsk-na-Amure (Khabarovsk kray) (1999).png
 Flag
Flag of Komsomolsk-on-Amur (Khabarovsk kray).png
Valdkund Venäma
Eläjiden lugu (2018) 248,254 ristitud
Pind 325,10 km²
Komsomol'sk Amural Комсомольск-на-Амуре
Pämez' Andrei Klimov
(sügüz'ku 2014—)
Telefonkod +7−4217-xxx-xxx
Avtokod 27
Aigvö UTC+10 (MSK+7)


Komsomol'skan Amural lidnümbrikod:      Keskuzümbrik      Leninan ümbrik (Dzömgi)

IstoriiRedaktiruida

Eländpunktan aluz om pandud vl 1932 lidnan statusanke, Permskoje-külän (sen aluz oli pandud vl 1860) da nanalaižiden Dzömgi-seižutesen sijas.

Geografijan andmusedRedaktiruida

Lidn sijadase Amur-jogen hural randal, 47 m ü.m.t. keskmäižel korktusel. Taigmec da sod ümbärtas lidnad. Matkad Habarovskhasai om 404 km suvipäivlaskmha avtotedme, Amuran jogensuhusai — 569 km jogiportaspäi. Lähembaine lidn om Amursk 50 km suvhe.

Komsomol'sk Amural om lidnümbrikon üks'jäine eländpunkt.

EläjadRedaktiruida

Vn 2010 Venäman rahvahanlugemižen mödhe eläjiden lugu oli 263 906 ristitud. Kaikiš suremb ristitišt oli 319 tuhad eläjid vll 1990−1992.

Rahvahad (enamba 0,3% vl 2010): venälaižed — 87,2%, ukrainalaižed — 1,7%, totarlaižed — 0,7%, vaugedvenälaižed — 0,4%, nanalaižed — 0,4%, azerbaidžanlaižed — 0,3%, korejalaižed — 0,3%, toižed rahvahad — 1,7%, rahvahuden ozutandata — 7,3%.

Ižanduz da transportRedaktiruida

Ižandusen päsarakod oma lendimiden sauvomine, laivansauvomine, metallurgii, kivivoin ümbriradmine (kivivoin- da gazanveimed Sahalinaspäi).

Avtobusad, tramvaid da taksid oma kundaližeks transportaks. Vspäi 1975 raudte- da avtotesild ühtenzoitab Amuran randoid. Ühtennimine raudtestancii om järed raudtesol'm Baikalan-Amuran magistralil. Sodavägiden da civiline «Hurb»-lendimport (KXK / КСЛ) sijadase 22 km avtotedme suvipäivlaskmha lidnan keskusespäi. Toižed lendimportad oma «Dzömgi» jüguzlendimiden da VIP-personiden täht i «Pobed» (Vägestuz) kebnan aviacijan täht.

IrdkosketusedRedaktiruida



Habarovskan randan lidnad
Amursk | Bikin | Habarovsk | Komsomol'sk Amural | Nevondkundaline Port | Nikolajevsk Amural | Väzemskii