Bikin
Bikin (ven.: Бикин) om Venäman lidn da lidnankund Habarovskan randas. Se om randan kaikiš suvemb lidn, Bikinan rajonan administrativine keskuz.
Lidnanznam
| |
| Valdkund | Venäma |
| Eläjiden lugu (2021) | 16,026 ristitud |
| Pind | 85,74 km² |
| |
| Pämez' | Dmitrii Osadčuk (eloku 2021—, velgusentäutai) |
| Telefonkod | +7−42 155-xx-xxx |
| Aigvö | UTC+10 (MSK+7) |
IstoriiRedigeeri
Eländpunktan aluz om pandud vl 1895 kuti kozakoiden Bikinskai-stanic (ven.: станица Бикинская), sid' Bikin-žilo, elänzoitmaha Venäman imperijan tahoid, om nimitadud jogen mödhe. Jogen nimi om sündnu udeg.: бикини-sanaspäi «akan veik». Žilo sai lidnan statusad vl 1938. Šingotihe mecan ümbriradmižen keskuseks nevondkundaližen aigan.
Geografijan andmusedRedigeeri
Lidn sijadase Bikin-jogen oiktal randal tobjimalaz (Ussurin oiged ližajogi), Ussurin alangištos, 70 m keskmäižel korktusel valdmeren pindan päl. Sihote-Alin'-mägisel'gan sarakod 300..600 m kortte ümbärtas lidnad päivnouzmpolespäi. Matkad Habarovskhasai om 195 km pohjoižpäivnouzmha orhal vai 215 km «Ussuri»-avtotedme. Lähembaižed lidnad oma Väzemskii 98 km pohjoižpäivnouzmha «Ussuri»-avtotedme (A-370) i kitajine Žaohe 20 km päivlaskmha orhal vai 40 km Pokrovk-külän kal't (röunpäličmänendtaho).
Bikin om lidnankundan üks'jäine eländpunkt.
EläjadRedigeeri
Vn 2010 Venäman rahvahanlugemižen mödhe eläjiden lugu oli 17 154 ristitud, rajonan ristitišton seičeme kümnendest. Kaikiš suremb ristitišt oli enamba 19 tuhad eläjid koumes pordos: vozil 1959, 1989−1992 i 2002−2008 (19 641 rist. vl 2002).
Rahvahad (vl 2010, enamba 1%): venälaižed — 89,6%, ukrainalaižed — 2,6%, totarlaižed — 1,3%, toižed rahvahad — 6,5%.
Edeline lidnankundan pämez' om Marina Manuilova (2017 — eloku 2021).
Ižanduz da transportRedigeeri
Ižandusen päsarakod oma sömtegimišt da meblin tehmine, mugažo trikotegesiden fabrik om olmas lidnas. Profškol da Habarovskan tegimištoiž-ekonomižen tehnikuman filial oma professionaližen opendusen aluzkundoikš.
Avtobusad oma kundaližeks transportaks lidnas da sen ümbrištos. «Ussuri»-avtote ümbärdab lidnad päivnouzmas. Bikin-raudtestancii om olmas Transsiban Habarovsk — Ussuriisk jonol vspäi 1895. Raudte- da avtotesildad oma lidnan suves Bikin-joges päliči.
GalereiRedigeeri
Vägestusen Sures sodas memorial (2011)
Bikin-jogi i avtotesild siš päliči (2008)
Bikinan rajonan kul'turkeskuz (2012)
Bikin-päraudtestancijan sauvuz vl 2011
IrdkosketusedRedigeeri
- Lidnan tobmuden aluzkundoiden oficialine sait (adm-bikin.ru). (ven.) (angl.) (saks.)
| Bikin Vikiaitas |
| Habarovskan randan lidnad | ||
| Amursk | Bikin | Habarovsk | Komsomol'sk Amural | Nevondkundaline Port | Nikolajevsk Amural | Väzemskii | ||