Nevondkundaline Port

Nevondkundaline Port
Советская Гавань
Lidnanznam;	Flag;
Valdkund	Venäma
Eläjiden lugu (2018)	24,249 ristitud
Pind	69 km²
Pämez'	Pavel Borovskii; (sügüz'ku 2014—)
Telefonkod	+7−42 138-xx-xxx
Avtokod	27
Aigvö	UTC+10 (MSK+7)

Nevondkundaline Port (ven.: Сове́тская Га́вань) om Venäman lidn da lidnankund Habarovskan randan suvipäivnouzmas. Se om Nevondkundaližen Portan rajonan administrativine keskuz.

IstoriiRedigeeri

Eländpunktan aluz om pandud vl 1853 kuti Konstantinovskii-sodapost. Vozil 1856−1923 nimi oli Imperatorine Port (ven.: Императорская Гавань), vhesai 1930 nimitihe Znamenskoje-žiloks, sid' radnikžiloks nügüdläiženke nimenke. Radnikžilo sai lidnan statusad vn 1941 vilukus. Vozil 1943−1945 saudihe Vanino-ližaportad merikaran vastrandal i raudted Komsomol'skaspäi Amural türmatud mehiden abul oigendamha sodavägid Japonijad vaste. Vspäi 1981 oli ümbrišton ühtenzoitusen planoid järedha lidnha, no azotihe niid NSTÜ:n čihodamižen jäl'ghe.

BAM-raudten lopstancii, meriport radab lidnas. Nevondkundaline Port šingotase mecan ümbriradmižel da eksportal.

Geografijan andmusedRedigeeri

Lidn sijadase Tataran sal'men päivlaskmaižel randal, 20 m ü.m.t. keskmäižel korktusel. Matkad Habarovskhasai om 385 km päivlaskmha orhal vai 570 km avtotedme. Lähembaine lidn om Uglegorsk (Sahalin) 120 km päivnouzmha orhal sal'men kal't.

Nevondkundaline Port om lidnankundan üks'jäine eländpunkt.

EläjadRedigeeri

Vn 2010 Venäman rahvahanlugemižen mödhe eläjiden lugu oli 27 712 ristitud, rajonan kaks' koumandest. Kaikiš suremb lidnan ristitišt oli 35 500 eläjad vl 1992.

Ortodoksižen hristanuskondan kaks' jumalanpertid^[1] oma saudud lidnas: ph. Feodor Ušakovan (2007−2012) i Phh. Pedroin da Pauloin (2009).

Nevondkundaližen Portan tegimištoliž-tehnologine tehnikum^[2] om lidnan professionaližen opendusen aluzkundaks.

GalereiRedigeeri

Lidnan administracijan sauvuz (2009)
Phh. Pedroin da Pauloin jumalanpert' (ortodoksine hristanuskond), vn 2009 nägu
Pohjoižen laivankohenduztegimen dok vl 2010
«Sberbankan» ofis vl 2011
«Mai-Gatk»-lendimportan sauvuz (2011. voz' vai sen aigemba)

HomaičendadRedigeeri

IrdkosketusedRedigeeri

Lidnan tobmuden aluzkundoiden oficialine sait (admsovgav.ru). (ven.)

Nevondkundaline Port Vikiaitas

	Habarovskan randan lidnad
	Amursk \| Bikin \| Habarovsk \| Komsomol'sk Amural \| Nevondkundaline Port \| Nikolajevsk Amural \| Väzemskii

[1] Nevondkundaližen Portan pühäpertid sobory.ru-saital. (ven.)

[2] Nevondkundaližen Portan tegimištoliž-tehnologižen tehnikuman sait (sgptt.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2018)	24,249 ristitud
Pind	69 km²

Pämez'	Pavel Borovskii (sügüz'ku 2014—)
Telefonkod	+7−42 138-xx-xxx
Avtokod	27
Aigvö	UTC+10 (MSK+7)