Dal'nerečensk

Dal'nerečensk
Дальнереченск
Lidnanznam;	Flag;
Valdkund	Venäma
Eläjiden lugu (2021)	24,786 ristitud
Pind	108,49 km²
Pämez'	Aleksandr Pavlov; (reduku 2014—)
Telefonkod	+7−42 356-xx-xxx
Aigvö	UTC+10

Dal'nerečensk (ven.: Дальнере́ченск) om Venäman lidn Merenrandaližen randan pohjoižes. Se om kaikiš pohjoižemb da amuižemb lidn Merenrandaližes randas, Dal'nerečenskan lidnümbrikon päpala. Lidn om Dal'nerečenskan rajonan administrativižeks keskuseks mugažo, ei mülü sihe.

IstoriiRedigeeri

Eländpunktan aluz om pandud kozakoil vl 1859 kuti Grafskai-stanic (ven.: станица Графская). Vozil 1897−1972 nimitihe Iman:aks jogen mödhe (nüg. Sur' Ussurk), se oli kitajankel'ne nimituz. Om olmas lidnan statusanke vspäi 1917. Vspäi 1972 nimitase nügüdläižikš nevondkundaliž-kitajižen azekhan konfliktan jäl'ghe Damanskii-sarel.

Vn 2016 sügüz'kul Laionrok-taifun toi sur'vet, lidnan znamasine pala alištui upotamižele pit'kiden valegiden tagut.

Dal'nerečenskan ižandusen päsarak om mecan ümbriradmine. Kivivoinpompstancii om olmas.

Geografijan andmusedRedigeeri

Lidn sijadase läz Kitain valdkundröunad, Ussuri-jogen oiktal randal i Sihote-Alinän ezimägištol, 160 m ü.m.t. keskmäižel korktusel. Habarovsk — Vladivostok-raudte i avtote läbitadas lidnad. Om 400 km matkad Vladivostokhasai suvipäivlaskmha. Lähembaine Venäman lidn om Lesozavodsk 50 km suvhe.

Klimat om ven kontinentaline. Vilukun keskmäine lämuz om −18,8 C°, heinku i eloku oleldas kaikiš lämhembad (+21 C°), voden lämuz om +3,2 C°. Ekstremumad oma −42 C° i +36,8 C°. Paneb sadegid 637 mm vodes, sidä kesken 237 mm mussonan aigan (heinku-eloku) i 94 mm tal'vel vides kus (kül'mku-keväz'ku).

Kaik koume žilod i Krasnojarovk-külä (ven.: Краснояровка kaikenaigaižeta ristitištota) mülüdas lidnümbrikho Dal'nerečenskan ližaks. Žilod oma Lazo (2465 rist. vl 2010), Grusevoje (410 rist.), Kol'cevoje (301 rist.). Lidnümbrikon pind om 108,49 km².

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 27 604 ristitud, kaiken lidnümbrikon — 30 780 ristitud. Kaikiš suremb lidnan ristitišt oli 39,7 tuhad eläjid vl 1996.

Ortodoksižen hristanuskondan kaks' pühäpertid^[1] oma avaitud lidnas: Spasan Londuseližen Mel'kuvan jumalanpert' (om saudud vl 1913, muzei sijazihe siš nevondkundaližen aigan) i Raštvoiden časoun'.

Tegimištoliž-tehnologine kolledž^[2] om lidnan professionaližen üläopendusen aluzkundaks.

GalereiRedigeeri

Lidnan administracijan sauvuz (2012)
Spasan londuseližen mel'kuvan jumalanpert', vn 2012 nägu
Sodakomissariat (2012, ende «Kunst&Albers»-torguindkodin sauvuz)
«Vostok»-kul'turkeskuz (Päivnouzm)
Dal'nerečensk I-päraudtestancijan sauvuz vl 2012

HomaičendadRedigeeri

IrdkosketusedRedigeeri

Dal'nerečenskan lidnanümbrikon tobmuden sait (dalnerokrug.ru). (ven.)

Dal'nerečensk Vikiaitas

	Merenrandaližen randan lidnad
	Arsen'jev \| Artöm \| Dal'negorsk \| Dal'nerečensk \| Fokino \| Lesozavodsk \| Nahotk \| Partizansk \| Spassk Dal'nii \| Sur' Kivi \| Ussuriisk \| Vladivostok

[1] Dal'nerečenskan pühäpertid sobory.ru-saital. (ven.)

[2] Tegimištoliž-tehnologižen kolledžan sait (ptk-ru.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2021)	24,786 ristitud
Pind	108,49 km²

Pämez'	Aleksandr Pavlov (reduku 2014—)
Telefonkod	+7−42 356-xx-xxx
Aigvö	UTC+10