Kozakad (ven.: казаки, ukr.: козаки, pol'š.: kozacy) oliba eziauguižešti ukrainalaižiden etnografine grupp, möhemba Venäman imperijan ripmatoman azektud ristitišton ühthine nimituz segoitadud etniženke augotižlibundanke da ičeze kul'turan järgendusenke.

Kozakoiden kanz Cimlänskaspäi (1875−1876)

Ühthižed andmused vajehta

Nügüd'aigaine oficialine ühthine lugumär om läz 67,5 tuhad ristituid (2010, Venälaine Federacii). Pagištas venäkelel penidenke dialektižidenke eriližusidenke.

Kozakad eliba repressijoiš i emigracijas läbi, nügüd'aigan lugetas alaetnosaks (vai erižeks rahvahaks). Elädas Venämas (suvipäivlaskmaižed regionad da Sibirin suvi tobjimalaz), Ukrainas, Kazahstanas da Pol'šanmas.

Valdkundaline služb vajehta

17.-18. voz'sadoil Venäman tobmuz tarbhaiči uskoližust da oiktad radnikoičendad kozakoišpäi, mi vastkaroiči heiden valdan el'gendusenke i vedi vasthalibundoile (Bolotnikov, Razin, Pugačov). Vn 1897 Venäman imperijan rahvahanlugemižen mödhe kozakoiden lugu oli 3 millionad.

Voinkundad Venämas vajehta

Kaik om 12 kozakoiden tipad/voinkundad Venämas:

  1. Amuralaižed kozakad‎ (ven.: Амурские казаки)
  2. Astrahanin kozakad‎ (Астраханские казаки)
  3. Baikalantagaižed kozakad‎ (Забайкальские казаки)
  4. Donan kozakad‎ (Донские казаки)
  5. Enisejalaižed kozakad‎ (Енисейские казаки)
  6. Kubanilaižed kozakad‎ (Кубанские казаки)
  7. Orenburgan kozakad‎ (Оренбургские казаки)
  8. Sibirilaižed kozakad (Сибирские казаки)
  9. Tereklaižed kozakad (Терские казаки)
  10. Uraližed kozakad (Уральские казаки)
  11. Ussurilaižed kozakad (Уссурийские казаки)
  12. Volgan kozakad‎ (Волжские казаки)

Homaičendad vajehta