Lesozavodsk (ven.: Лесозаводск) om Venäman lidn Merenrandaližen randan päivlaskmas. Se om Lesozavodskan lidnümbrikon administrativine keskuz.

Lesozavodsk
Лесозаводск
Lidnanznam
Coat of Arms of Lesozavodsk (Primorsky kray) (2006).png
Valdkund Venäma
Eläjiden lugu (2021) 34,827 ristitud
Pind 71 km²
Lesozavodsk Лесозаводск
Pämez' Konstantin Bancejev
(uhoku 2021—)
Telefonkod +7−42 355-xx-xxx
Aigvö UTC+10 (MSK+7)

IstoriiRedigeeri

Vspäi 1894 ristitud tuliba elämhä sihe Venälaižen imperijan Kijevan, Černigovan i Poltavan gubernijoišpäi, paniba stanicoiden alusid. Šingotihe mecan ümbriradmišt, «Ussurin mecanümbriradai kombinat» oli olmas nevondkundaližen aigan. Lesozavodsk-eländpunkt om sätud vl 1932 radnikžiloks nügüdläiženke nimenke Dal'les-žilon, Ussuri-stancijan (nüg. Lesozavodsk-1, om olmas jogen hural randal) da küliden ühtištusel. Žilo sai lidnan statusad vl 1938. Vozil 1963−1992 lidn alištui randan tobmudele oikti.

Geografijan andmusedRedigeeri

Lidn sijadase Ussuri-jogen muugotil randoil, 80 m keskmäižel korktusel valdmeren pindan päl. Matkad Vladivostokhasai om 269 km suvipäivlaskmha orhal vai 350 km «Ussuri»-avtotedme. Kitain valdkundröun om 10 km lodeheze. Lähembaižed lidnad oma Dal'nerečensk 57 km pohjoižpäivnouzmha orhal vai 72 km «Ussuri»-avtotedme, i kitajine Hulin'-lidn 63 km lodeheze avtotedme.

Kaik 19 küläd da kaks' raudtestancijad mülüdas lidnümbrikho Lesozavodskan ližaks. Lidnümbrikon pind — 3 063,8 km², se röunatab Kitainke.

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 37 034 ristitud, lidnümbrikon ristitišton nell' videndest. Kaikiš suremb ristitišt oli 45..46 tuhad eläjid vozil 1992−2001 (46 800 rist. vl 1996).

Ortodoksižen hristanuskondan ph. Mikulai-čudonsädajan jumalanpert' sijadase lidnas.

IžanduzRedigeeri

Ružino-raudtestancii om Transsiban pala, sijadase HabarovskUssuriisk jonol, seižub jogen oiktal randal vspäi 1936. Stancii om kaikiš surembaks radonandajaks: vagondepo, vedimiden depo, raudten elektrovaratoitandan distancii sijadasoiš lidnas. Toižed edheotandad — mebel'fabrik, omblendfabrik, sömtegimišton edheotandad.

Professionaližen opendusen aluzkundad: Lesozavodskan industrialine kolledž[1], Mererandaline mectehnologijoiden, ekonomikan i transportan kolledž (ende tehnikum), Vladivostokan bazižen medicinižen kolledžan filial.

Avtobusad da taksid oma kundaližeks transportaks lidnas. Kümnekilometrine sarak «Ussuri»-avtotelpäi (A-370) tuleb lidnha päivnouzmpolespäi. Raudtesild i R449-ten avtotesild ristikoitas Ussuri-joged neciš lidnas.

GalereiRedigeeri

HomaičendadRedigeeri

  1. Lesozavodskan industrialižen kolledžan sait (les-collegelik.ru). (ven.)

IrdkosketusedRedigeeri



Merenrandaližen randan lidnad
Arsen'jev | Artöm | Dal'negorsk | Dal'nerečensk | Fokino | Lesozavodsk | Nahotk | Partizansk | Spassk Dal'nii | Sur' Kivi | Ussuriisk | Vladivostok