Artöm (lidn)
Artöm (ven.: Артём) om Venäman lidn Merenrandaližen randan suves, Vladivostokan pohjoižpäivnouzmaine ezilidn.
Lidnanznam
|
Flag
|
| Valdkund | Venäma |
| Eläjiden lugu (2021) | 104,926 ristitud |
| Pind | 506,4 km² |
| |
| Pämez' | Väčeslav Kvon (sulaku 2020—) |
| Telefonkod | +7−42 337-xxx-xx |
| Avtokod | 25, 125 |
| Aigvö | UTC+10 (MSK+7) |
IstoriiRedigeeri
Eländpunktan aluz om pandud vl 1924 radnikžiloks samha burad hil't läz Zibunnii-kaivut. Nimitihe radnikžilod Födor Sergejev-revolücioneran psevdonimal (1883−1921), «Artöm-sebranik». Vl 1938 (26. reduku) žilo sai lidnan statusad.
Geografijan andmusedRedigeeri
Reljef om erazvuitte, om järvid, jogid da kukhid lidnas. Artöm sijadase Murav'jov-Amurskijan pol'saren jurel, mägidenkeskeižes katl'uses, 40 m valdmeren pindan päl keskmäižel korktusel, mülütab Japonijan meren Amurskijan i Ussurijskan lahtiden randoid.
Viž žilod mülüdas lidnümbrikho Artöm-lidnan ližaks: Kneviči (4845 rist. vl 2010), Krolevci, Olenii, Suraževk (ven.: Суражевка), Jasnoje.
EläjadRedigeeri
Vn 2010 Venäman rahvahanlugemižen mödhe eläjiden lugu oli 102 603 ristitud. Vspäi 2005 lidnümbrik om sätud, enččed Artomovskii-, Zavodskoi- da Uglovoje-radnikžilod nügüd' mülüdas lidnan territorijha, i lidnan ristitišt ližadui enamba pol'tošt kerdad. Kaikiš suremb lidnan ristitišt oli 106 732 eläjad vl 2017, lidnümbrikon — 116 284 eläjad sil-žo vodel, mugažo 117 974 ristitud elihe nügüdläižen lidnümbrikon territorijal vl 1979.
Edeline lidnümbrikon pämez' om Aleksandr Avdejev (sügüz'ku 2016 — uhoku 2020).
Ižanduz da transportRedigeeri
Sadas burad hil't lidnümbrikos. Varažomiden zon, mägisuksiden «Sinine kukkaz»-lebutaho (ven.: Синяя сопка) da «Mererand»-azartvändzon (ven.: Приморье) oma läz lidnad.
Vn 2016 sügüz'kuspäi avtoümbärte om olmas Artömas. Avtobusad da raudted oma kundaližeks transportaks lidnas da sen ümbrištos. Rahvahidenkeskeine soda- da civiline Vladivostok (Kneviči)-lendimport (VVO / ВВО) sijadase 3 km pohjoižhe lidnaspäi. Sišpäi tehtas reisid Kitaihe, Pohjoižkorejha da Suvikorejha, čarterreisid Uzbekistanha, mugažo Venämadme. Sodalendimbaz sijadase 9 km suvipäivlaskmha lendimportaspäi.
GalereiRedigeeri
Artöman LEK vl 2008
«Venecija»-adivpert' (2001)
Hilensajiden kul'turkeskuz (2013)
Uglovai-sodail'mbaz vl 2015
Avtobusstancii vl 2018
Rahvahidenkeskeižen Vladivostok-lendimportan terminal vl 2014
Kneviči-päraudtestancijan sauvuz Vladivostok-lendimportas vl 2017
IrdkosketusedRedigeeri
| Artöm (lidn) Vikiaitas |
| Merenrandaližen randan lidnad | ||
| Arsen'jev | Artöm | Dal'negorsk | Dal'nerečensk | Fokino | Lesozavodsk | Nahotk | Partizansk | Spassk Dal'nii | Sur' Kivi | Ussuriisk | Vladivostok | ||