Tulun

Tulun (ven.: Тулун) om Venäman lidn da lidnümbrik Irkutskan agjan suvipäivlaskmas. Se om Tulunan rajonan administrativine keskuz, ei mülü rajonha.

Tulun
Тулун

Lidnanznam	Flag
Valdkund	Venäma
Eläjiden lugu (2017)	41,671 ristitud
Pind	134 km²
Pämez'	Jurii Karih (heinku 2014—)
Telefonkod	+7−39 530-xx-xxx
Avtokod	38, 85, 138
Aigvö	UTC+8 (MSK+5)

Lidnan nägu Man kaimdajaspäi vn 2019 heinkus

Istorii

Eländpunkt mainitase ezmäižen kerdan vl 1735 kuti Tulunovskai-külä (ven.: деревня Тулуновская). Šingotaškanzihe žiloks kahten traktan sauvondan jäl'ghe — Moskvaspäi (1762−1774, nüg. «Sibir'»-trass) i Bratskhasai (19. voz'sadal, tämbäi nimitadas «Vitim»-trass). Transsib läbiti žilod, i vl 1897 ezmäine jonuz tuli Tulun-stancijha. Toine raudtestancii om Nür (ven.: Нюра). Tulun sai lidnan statusad vl 1927.

Lidn šingotase sömtegimištol, buran hilen samižel i mecan ümbriradmižel. Stöklantegim om sauptud vl 2002, gidrolitine tegim ei ole rados.

Geografijan andmused

Lidn sijadase Ii-jogen känman molembil randoil (ven.: Ия, lankteb Bratskan vezivaradimhe, Angar-jogen hurapol'ne bassein), Päivnouzmaižen Sajanan ezimägišton mecstepin zonas, 460 m ü.m.t. keskmäižel korktusel. Matkad Irkutskhasai om 352 km suvipäivnouzmha orhal vai 392 km «Sibir'»-avtotedme. Lähembaine lidn om Alaudinsk 107 km päivlaskmha-lodeheze orhal, 117 km avtotel vai Transsibal.

Tulun om lidnümbrikon üks'jäine eländpunkt.

Eläjad da ižanduz

Vn 2010 Venäman rahvahanlugemižen mödhe eläjiden lugu oli 44 611 ristitud. Kaikiš suremb ristitišt oli 56 tuhad eläjid vl 1987.

Professionaližen opendusen aluzkundad: Tulunan agrarine tehnikum, Tulunan pedagogine kolledž i medicinine škol.

Irdkosketused

• Lidnan Duman oficialine sait (duma-tulun.ru). (ven.)
• Lidnan Administracijan oficialine sait (tulunadm.ru). (ven.)