Zim (ven.: Зима́, burät.: Зэмэ хото) om Venäman lidn da lidnümbrik Irkutskan agjan suves. Om Ziman rajonan administrativižeks keskuseks mugažo, ei mülü sihe.

Zim
Зима
 Lidnanznam
 Flag
Valdkund Venäma
Eläjiden lugu (2020) 30,515 ristitud
Pind 52,85 km²
Zim Зима
Pämez' Andrei Konovalov
(kezaku 2016—)
Telefonkod +7−39 554-xx-xxx
Avtokod 38, 85, 138
Aigvö UTC+8 (MSK+5)

Istorii vajehta

Eländpunkt mainitase ezmäižen kerdan vl 1739 Milleran «Matkan ümbrikirjutand Jeniseiskaspäi Irkutskhasai»-käzikirjuteses kuti Mironovo vai Ziman tal'vdundsija (ven.: Зиминское зимовье), nimitihe Zim-jogen mödhe (ven.: Зима, burät.: Зэмэ), nimituz om burätan augotižlibundanke. Alusenpanendan oficialine voz' praznuičendan täht — 1743. Šingotaškanzihe Moskvan traktan sauvomiženke vspäi 1772, ehtatimenno Okanjoges päliči. Vl 1891 Transsib läbiti žilod, sädihe Zim-raudtestancijad. Žilo sai lidnan statusad vl 1922. Vspäi 1963 alištub agjan tobmudele oikti.

Zim-lidn šingotase raudten edheotandoil (vedimdepo, vagondepo, raudten distancii) da mecan ümbriradmižel pilindmaterialoihe.

Geografijan andmused vajehta

Lidn sijadase Okanjogen hural randal (lankteb Bratskan vezivaradimhe, Angaran hurapol'ne bassein, ven.: Ока, burät.: Аха гол) da sen Zim-ližajogen sun randoil, 450 m ü.m.t. keskmäižel korktusel. Matkad Irkutskhasai om 235 km suvipäivnouzmha orhal, 265 km avtotedme vai raudtedme. Lähembaine lidn om Sajansk 21 km pohjoižhe orhal, 24 km avtotedme vai Okan mödvedhe. Voib olda manrehkaidusid kudhe ballhasai (12:späi), om igähižen rougun linzoid lidnan territorijal.

Zim om lidnümbrikon üks'jäine eländpunkt.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 32 508 ristitud. Kaik 31 229 ristitud elihe lidnas vl 2017. Kaikiš suremb ristitišt oli 48 097 eläjid vl 1979.

Ortodoksižen hristanuskondan kaks' pühäpertid[1] oma avaitud lidnas: ph. Mikulai-čudonsädajan i Eläban Eziauguižen Stroican jumalanpertid.

Ziman raudtetehnikum[2] om lidnan professionaližen opendusen aluzkundaks.

Galerei vajehta

Homaičendad vajehta

  1. Ziman pühäpertid sobory.ru-saital. (ven.)
  2. Ziman raudtetehnikuman sait (zzhdt-edu.ru). (ven.)

Irdkosketused vajehta



Irkutskan agjan lidnad
Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk