Taišet

Taišet (ven.: Тайшет) om Venäman lidn, lidnankund da raudtesol'm Irkutskan agjan päivlaskmas. Se om Taišetan rajonan administrativine keskuz, mülüb rajonha vspäi 2005.

Taišet
Тайшет

Lidnanznam	Flag
Valdkund	Venäma
Eläjiden lugu (2017)	33 364 ristitud
Pind	75,72 km²
Pämez'	Aleksandr Zajika (2 007—)
Telefonkod	+7-39 563-xx-xxx
Avtokod	38, 85, 138
Aigvö	UTC+8 (MSK+5)

Istorii

Eländpunktan aluz om pandud vl 1897 kuti raudtestancii sauvomha Transsibad da žilo holitamha sidä, nimitihe Taišetk-jogen mödhe. Kätihe Taišetad radnikžiloks vl 1937. Radnikžilo sai lidnan statusad vn 1938 2. päiväl keväz'kud. Kävituhe türmatud da ottud plenha mehiden töid. Vspäi 1960 oli alištunu agjan tobmudele oikti.

Geografijan andmused

Lidn sijadase peniden Taišetk- (ven.: Тайшетка) i Akul'šetk-jogiden randoil (ven.: Акульшетка, Birüsan oiktad ližajoged), Päivnouzmaižen Sajanan ezimägištol, 320 m ü.m.t. keskmäižel korktusel. Matkad Irkutskhasai om 575 km suvipäivnouzmha orhal vai 670 km «Sibir'»-avtotedme. Lähembaine lidn om Birüsinsk 12 km päivlaskmha.

Taišet om lidnankundan üks'jäine eländpunkt.

Eläjad da ižanduz

Vn 2010 Venäman rahvahanlugemižen mödhe eläjiden lugu oli 35 485 ristitud, rajonan nell' ühesandest. Kaikiš suremb ristitišt oli 42..43 tuhad eläjid vozil 1989−2001 (43 tuh. rist. vll 1992−1996). Ortodoksižen hristanuskondan phh. Pedroin da Pauloin jumalankodi i islaman pühäpert' oma olmas lidnas.

Koume raudted ühtenzoittas lidnas: Transsib, BAM i Suvisibirine magistral'. Raudten passažirstancii, sortiruindstancii, 3 depod oma lidnas. Mecsarakon da sömtegimišton edheotandad ratas Taišetas. Vspäi 2008 alüminijantegim om sauvomas.

Irdkosketused

• Lidnan tobmuden aluzkundoiden oficialine sait (gorodtaishet.ru). (ven.)