Tap (lidn)

Tap (estin kelel: Tapa) om lidn municipaližeta statusata da raudtesol'm Estinman pohjoižes. Om Tapan volostin keskusen, mülüb Lääne-Virun makundha.

Tap
Tapa

Lidnanznam	Flag
Valdkund	Estinma
Eläjiden lugu (2018-01-01)	5,428 ristitud
Pind	17,4 km²
Telefonkod	+372-xxx-xxxx
Aigvö	tal'vel UTC+2, kezal UTC+3

Istorii

Eländpunktan aluz om pandud 13.-14. voz'sadal kuti Tapankülä. Se mainitase M. Eiseni:n Akademižen istorijan sebran kirjeižespäi vl 1482. Ricarin Taps-erižpert' (est. Tapa-mõis) mainitase läz küläd vl 1629. Ezmäine jonuz tuli žilho raudtestancijanno vl 1870, saudihe «Revel' — Piter»-raudtejonod. Vl 1876 Tap kändihe raudtesol'meks, jonuz ajoi Jur'jev-lidnha. Tap sai lidnan statusad vn 1926 30. päiväl kezakud. Lidn oli Tapan rajonan administrativižeks keskuseks vll 1950−1962.

Tap šingotase raudten sortiruindstancijal, metalltegesiden pästandal (elektromagnitad, avtoiden heitmižsistemad) i armijan vägiden sijadusel (sodalendimport lidnan suves).

Geografijan andmused

Lidn sijadase Valgejogen üläjoksmusen hural randal (est. Valgejõgi, 85 km pitte, Suomen lahten bassein). Matkad makundan Rakvere-keskushesai om 25 km pohjoižpäivnouzmha orhal, 30 km avtotedme vai raudtedme, Tallidnhasai om 77 km lodeheze.

Eläjad

Vn 2011 EÜ:n rahvahanlugemižen mödhe lidnan eläjiden lugu oli 5 896 ristitud. Kaikiš suremb ristitišt oli 10 851 eläjad vl 1979.

Rahvahad (enamba 0,4% vl 2011): estilaižed — 59,26%, venänikad — 31,72%, ukrainalaižed — 4,31%, vaugedvenälaižed — 1,73%, suomalaižed — 0,85%, litvalaižed — 0,54%, toižed rahvahad i rahvahuden ozutandata — 1,59%.

Galerei

• 
  Ph. Jakoban lüteranine jumalanpert' (2012, om saudud vll 1921−1932)
• 
  Tapan venäkel'ne gimnazii vl 1996
• 
  Kul'turkeskuz
• 
  Raudtestancijan sauvuz i vezičuhunduz

Irdkosketused

• Lidnan da volostin tobmuden aluzkundoiden oficialine sait (tapa.ee). (est.)