Semiluki

Semiluki
Семилуки
Lidnanznam;	Flag;
Valdkund	Venäma
Eläjiden lugu (2021)	27,938 ristitud
Pind	16,04 km²
Pämez'	Aleksandr Telkov; (kül'mku 2022—)
Telefonkod	+7−47 372-xx-xxx
Avtokod	36, 136
Aigvö	UTC+3 (MSK+0)

Semiluki (ven.: Семилу́ки) om Venäman lidn da lidnankund Voronežan agjan lodehes. Se om Semilukin rajonan administrativine keskuz da pala.

Istorii

Arheologad löutihe ristitun amuižid seižutesid i 16.-17. voz'sadan lidneihuzid lidnan ümbrištos. «Voronež — Kursk»-raudten Semiluki-seižutezpunkt om saudud vl 1894, nimitihe lähižen žilon mödhe. Semiluki-žilo om olmas nügüd'-ki ani lidnan pohjoižen röunan taga, sen nimituz libub Donan seičemes känmaspäi (ven.: семь лук) läheližes tahondas.

Nügüdläižen eländpunktan aluz om pandud seižutezpunktas ümbri vll 1926−1932 kuti Semiluki-radnikžilo rajonankeskusen statusanke, 1932. voz' om alusenpanendan oficialine. Sai lidnan statusad vn 1954 18. päiväl kül'mkud.

Semiluki šingotase sauvondmaterialiden pästandal (lämoinvastaižed tegesed^[1], sauvondmaterialiden kombinat), mugažo sömkombinat i meblin edheotand ratas lidnas.

Geografijan andmused

Lidn sijadase rajonan suvipäivnouzmaižel röunal, vedase kümne kilometrad pidust' Don-jogen oiktad randad, 130 m ü.m.t. keskmäižel korktusel. Devic-jogi (ven.: Деви́ца 89 km pitte) lankteb Donha lidnan suvipalas. Agjan Voronež-keskuz om ühtes kilometras päivnouzmha Donan vastrandal. Semiluki ühtenzoitase senke kahtel avtotesildal Donas päliči pohjoižes i suves, raudtesild tuleb lidnan keskuzpalaha. Semiluki-seižutezpunkt radab lidnan keskuzpalas.

Semiluki om lidnankundan üks'jäižeks eländpunktaks. Lidnankundan pind — 16,04 km².

Eläjad

Vl 1939 žilon ristitišt oli 7 300 eläjad. Vn 2010 Venäman rahvahanlugemižen mödhe lidnan eläjiden lugu oli 26 023 ristitud, rajonan kaks' videndest. Kaikiš suremb lidnan ristitišt om nügüd', oli 25..26 tuhad eläjid vll 2002−2003 i vspäi 2010 (26 797 rist. vl 2017).

Rahvahad (2010): venälaižed — 97,3 %, ukrainalaižed — 1,0 %, toižed rahvahad — 1,7 %.

Ortodoksižen hristanuskondan nell' pühäpertid^[2] oma saudud lidnas: koume jumalanpertid i časoun'.

Semilukin politehnine kolledž^[3] om lidnan professionaližen opendusen aluzkundaks.

Lidnankundan tobmuden pämez' om sen Rahvahandeputatoiden nevondkundan ezimez'. Edeližed lidnan pämehed oma Aleksandr Ševelühin (reduku 2020 — kül'mku 2022) i Sergei Maršavin (tal'vku 2013 — reduku 2020). Lidnan Administracijan pämez' om Il'ja Trepalin vn 2022 kezakuspäi. Edeline lidnan Administracijan pämez' om Sergei Žerebcov (kül'mku 2019 — semendku 2022).

Galerei

Don-jogi lidnanno (2006)
Ph. Mitrofan Voronežalaižen jumalanpert', vn 2011 nägu (om saudud vll 1994−2010)
Lidnfartal vl 2008
Muštnik sodalendajiden oiktastuseks (2007)
Raudteseižutezpunktan sauvuz vl 2008

Homaičendad

Irdkosketused

Lidnankundan tobmuden aluzkundoiden sait (gorod-semiluki-r36.gosuslugi.ru). (ven.)

Semiluki Vikiaitas

	Voronežan agjan lidnad
	Bobrov \| Bogučar \| Borisoglebsk \| Buturlinovk \| Ertil' \| Kalač \| Liski \| Novohopörsk \| Novovoronež \| Ostrogožsk \| Pavlovsk \| Povorino \| Rossoš \| Semiluki \| Voronež

[1] Semilukin lämoinvastaižiden tegesiden edheotandan sait (semiluki.ru.com). (ven.)

[2] Semilukin pühäpertid sobory.ru-saital. (ven.)

[3] Semilukin politehnižen kolledžan sait (sptk.obrvrn.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	27,938 ristitud
Pind	16,04 km²

Pämez'	Aleksandr Telkov (kül'mku 2022—)
Telefonkod	+7−47 372-xx-xxx
Avtokod	36, 136
Aigvö	UTC+3 (MSK+0)