Novohopörsk (ven.: Новохопёрск) om Venäman lidn da lidnankund Voronežan agjan päivnouzmas. Se om Novohopörskan rajonan administrativine keskuz da pala.

Novohopörsk
Новохопёрск
 Lidnanznam
Coat of arms of Novohopersk (2008).gif
 Flag
Flag of Novohopersk (Voronezh oblast).png
Valdkund Venäma
Eläjiden lugu (2018-01-01) 6,108 ristitud
Pind 14 km²
Novohopörsk Новохопёрск
Pämez' Vladimir Spesivcev
(keväz'ku 2018—)
Telefonkod +7-47 353-xx-xxx
Avtokod 36, 136
Aigvö UTC+3 (MSK+0)

IstoriiRedaktiruida

Pristanskii-lidnuden aluz oli pandud kozakištol 17. voz'sadan kahtendes polespäi. Se oli polttud vl 1709 Petr I-carin käskön mödhe toižiden mugoižiden lidnuziden kartte ühtnendas vasthalibundoiš taguiči. Nügüdläižen eländpunktan aluz om pandud mugažo Petr I-carin käskön mödhe vl 1710 kuti jogivaldmad, verf' i maine lidnuz kaičemha ümbrištod. Žilo sai makundan lidnan statusad vl 1779. «LiskiPovorino»-raudtekeskust mäneb 1 km suvhe lidnaspäi vspäi 1895.

Novohopörsk šingotase sömtegimištol (voitegim), mecanümbriradai kombinat.

Geografijan andmusedRedaktiruida

Lidn sijadase rajonan päivnouzmas, Hopr-jogen oiktal randal (ven.: Хопёр, Don-jogen hura ližajogi), 50..70 m korktusil jogen pindan päl, 140 m ü.m.t. keskmäižel korktusel. Matkad Volgogradan agjhasai om 12 km päivnouzmha orhal. Matkad Voronežhasai om 178 km päivlaskmha-lodeheze orhal vai 212 km avtotel. Lähembaižed lidnad oma Borisoglebsk 44 km pohjoižpäivnouzmha orhal vai 69 km avtotel, Povorino 45 km lodeheze-päivnouzmha-pohjoižpäivnouzmha orhal vai 52 km avtotedme, i Urüpinsk (Volgogradan agj) 43 km suvipäivnouzmha orhal vai 105 km avtotedme.

Nened 17 eländpunktad mülüdas lidnankundha Novohopörskan ližaks: lidnanvuitte Novohopörskii-žilo (7 686 rist. vl 2018) Novohopörsk-raudtestancijanke 3 km päivlaskmha-suvipäivlaskmha lidnaspäi, 12 žilod, külä, raudtestancii i kaks' futorad. Lidnankundan pind — 599,7 km².

EläjadRedaktiruida

Vl 1939 lidnan ristitišt oli 8 500 eläjad. Vn 2010 Venäman rahvahanlugemižen mödhe lidnan eläjiden lugu oli 6 849 ristitud, rajonan seičemendez, lidnankundan — 7 177 ristitud, i 17 638 ristitud vl 2012 ühtištusen jäl'ghe lähižidenke kundoidenke, rajonan nell' ühesandest. Kaikiš suremb lidnan ristitišt oli enamba 8 tuhad eläjid vll 1939−1998 (8 900 rist. vl 1959). Vl 2018 kaik 17 026 ristitud elihe lidnankundas. Ortodoksižen hristanuskondan Sündun Eläbzdusen päjumalanpert', kaks' jumalanpertid i časoun'[1] oma olmas lidnas.

Rahvahad (2010): venälaižed — 97,8%, toižed rahvahad — 2,2%.

Professionaližen opendusen aluzkund om Novohopörskan agrariž-ekonomine tehnikum.[2]

GalereiRedaktiruida

HomaičendadRedaktiruida

  1. Novohopörskan pühäpertid sobory.ru-saital. (ven.)
  2. Novohopörskan agrariž-ekonomižen tehnikuman sait (au-45.ru). (ven.)

IrdkosketusedRedaktiruida



Voronežan agjan lidnad
Bobrov | Bogučar | Borisoglebsk | Buturlinovk | Ertil' | Kalač | Liski | Novohopörsk | Novovoronež | Ostrogožsk | Pavlovsk | Povorino | Rossoš | Semiluki | Voronež