Pühäjärvi (lidn)

Pühäjärvi (suom. i roč.: Pyhäjärvi) om Suomenman lidn da municipalitet valdkundan keskuzpalan suvipäivlaskmas, Pohjoižpohjanma-agjas. Se om agjan kaikiš penemb lidn 11:späi eläjiden lugun mödhe.

Pühäjärvi
Pyhäjärvi (suom. i roč.)

Lidnanznam
Valdkund	Suomenma
Eläjiden lugu (2024)	4,727 ristitud
Pind	1,459,00 km²
Pämez'	Henrik Kiviniemi (reduku 2016—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1866, nimitihe järven mödhe Pühäjärvi Ol (suom.: Pyhäjärvi Ol) vhesai 1968 erištamha kahtes toižes Suomenman kundaspäi pojavanke nimenke, sid' Pühäjärvi muite. Kätihe lidnaks (kaupunki) vl 1993, vll 1993−1995 sen nimi oli Pühäsalmi.

Pühäjärvi šingotase cinkan i vas'ken samižel (vspäi 1962) da küllästamižel kanadižen «First Quantum Minerals»-kompanijan abul. Kaivuden varad oma läz lopnuded, uziden ecind oli satusetoman, küllästamižfabrik linneb rata vhesai 2025 vai sen hätkemba.

Geografijan andmused

Lidnankund sijadase agjan suvižes čogas, 147 m ü.m.t. keskmäižel korktusel, Pühäjärven pohjoižel randal (suom.: Pyhäjärvi 122 km² pindanke, 139..140 m ü.m.t.).

Matkad agjan Oulu-keskushesai om 150 km pohjoižhe orhal, 163 km avtotel vai raudtel, Hel'sinki-pälidnhasai om 395 km suvhe orhal, 448 km avtotedme vai raudtedme. Lähembaižed lidnad (avtoteidme) oma Haapajärvi 37 km päivlaskmha, Kiuruvezi (Pohjoižsavo) 34 km päivnouzmha i Iisalmi (Pohjoižsavo) 68 km päivnouzmha. «Üliviesk — Iisalmi»-raudtekeskust läbitab lidnad. Lendimpöud om saudud.

Vn 2022 andmusiden mödhe lidnankundan ühthine pind om 1459,00 km², sidä kesken kuivma — 1310,31 km², vezi da sokaz tahond ottas kümnendest (148,69 nellikkilometrad).

Tobmuz

Kaik om 23 küläd kundas. Pühäjärvin municipaline suim kogoneb 27 ezitajaspäi.

Edeližed lidnan pämehed oma Tita Rinnevaara (2010−2011) i hänen Veikko Tikkanen-velgusentäutai (2012−2016).

Eläjad

Vl 1980 municipalitetan eläjiden lugu oli 7 992 ristitud, vl 2000 — 6 734 ristitud, vl 2010 — 5 946 ristitud, vl 2020 — 5 107 ristitud. Kaikiš suremb kundan ristitišt oli 7 994 eläjad vl 1985. Koume ristitud videspäi elädas lidnankundan kahtes keskuses: Pühäsalmi (päkeskuz) i Ruotanen.

Kodikelen mödhe (2016): suomen kel' — 98,7 %, ročin kel' — 0,2 %, toižed keled — 1,1 %.

Galerei

• 
  «Vaskikello»-restoran (2016)
• 
  Pühäjärvin lüteranine jumalanpert' (om saudud vll 1896−1897), vn 2011 nägu
• 
  Kaivuz Pühäsalmiš vl 2010 (1,4 km süvütte)
• 
  Pühäsalmin raudtestancii vl 2013

Irdkosketused

• Lidnan tobmuden sait (pyhajarvi.fi). (suom.) (angl.) (roč.)