Haapajärvi

Haapajärvi (mugažo suomen i ročin kelil) om Suomenman lidn valdkundan keskuzpalan päivlaskmas, Pohjoižpohjanma-provincijan suves.

Haapajärvi

Lidnanznam
Valdkund	Suomenma
Eläjiden lugu (2024)	6,500 ristitud
Pind	789,31 km²
Pämez'	Jonna Tamminen (viluku 2024—)
Telefonkod	+358-(0)44-xxx-xxxx
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländpunkt mainitase kirjutadud purtkiš ezmäižen kerdan vl 1547 kuti pen' Haapajärvi-külä, elihe tervan poltandal, kalanpüdusel, mectusel i dögotin pästandal. Kundan oficialine aluz om pandud vl 1868. Raudte tuli žilho vl 1960. Žilo sai lidnuden (suom.: kauppala, roč.: köping) statusad vl 1967, kändihe lidnaks (suom. kaupunki) vl 1977.

Haapajärvi šingotase živatvodindan rajonan keskuseks. Hihtandsportan keskuz radab lidnas tal'vel.

Geografijan andmused

Lidn sijadase ühtennimižen järven (sen palad nimitasoiš Kortejärvi i Uitonsalmi) päivnouzmaižel randal tobjimalaz. Hautaperän vezivaradim om saudud lidnan suves.

Matkad agjan Oulu-keskushesai om 159 km pohjoižhe, Hel'sinkihesai — 400 km suvhe orhal, 458 km avtotedme vai raudtel.

Vn 2022 andmusiden mödhe lidnankundan pind om 789,31 nellikkilometrad, sidä kesken kuiv ma 766,42 km², vezi i sokaz tahond ottas 22,89 km².

Tobmuz

Kaik 23 küläd alištudas lidnan tobmudele. Haapajärvin municipaline suim kogoneb 27 ezitajaspäi.

Edeližed lidnan pämehed oma Juha Uusivirta (2013 — tal'vku 2023), Maija-Liisa Veteläinen (2003−2013).

Eläjad

Lidnan jumalanpert' (om saudud vl 1802 i udištadud vl 1880), vn 2016 nägu

Vl 1980 lidnankundan eläjiden lugu oli 8 202 ristitud, vl 2000 — 8 236 ristitud, vl 2010 — 7 639 ristitud, vl 2020 — 6 999 ristitud. Kaikiš suremb kundan ristitišt oli 8 519 eläjad vl 1995.

Mamankelen mödhe (2016): suomen kel' — 98,4 %, ročin kel' — 0,1 %, toižed keled — 1,5 %.

Irdkosketused

• Lidnankundan oficialine sait (haapajarvi.fi). (suom.)