Outokumpu
Outokumpu (mugažo suomen i ročin kelil) om Suomenman lidn da lidnankund valdkundan keskuzpalan suvipäivnouzmas. Se om Pohjoižkarjal-agjan kaikiš penemb lidnankund videspäi eläjiden lugun mödhe.
Lidnanznam
| |
| Valdkund | Suomenma |
| Eläjiden lugu (2020-01-01) | 6,679 ristitud |
| Pind | 584,06 km² |
| |
| Pämez' | Pekka Hüvönen (2010—. Pekka Hyvönen) |
| Telefonkod | +358- |
| Aigvö | tal'vel UTC+2, kezal UTC+3 |
Istorii vajehta
Municipalitetan aluz om pandud vl 1865 Kuusjärvi-nimitusenke. Vl 1910 löutihe vas'ken varoid, i vas'kentegim radaškanzi severziš-se voziš. Kaivuz radoi vll 1913−1989. Vl 1932 «Outokumpu»-kompanijan (nüg. terasen tegii, päfater sijadase Espoos) aluz om pandud kaivudenno, se oli valdkundaline eziauguižešti. Vspäi 1956 municipalitet nimitase nügüdläižikš. Kätihe lidnanvuiččeks (suom.: kauppala) vl 1968. Kund sai lidnan statusad (kaupunki) vl 1977.
Outokumpu šingotase industrialižel puištol[1] (vspäi 1979, metallan da toižiden materialiden ümbriradmine mašinoil luguprogramohjandusenke) i turizmal (vanh kaivuz, londuseline i sportivine).
Geografijan andmused vajehta
Lidn sijadase agjan päivlaskmaiženno röunanno, Viinijärven randal (135 km², 79 m ü.m.t.). Matkad agjan Jogensu-keskushesai om 40 km päivnouzmha orhal, 47 km avtotel vai raudtel, Hel'sinki-pälidnhasai om 358 km suvipäivlaskmha orhal, 426 km avtotedme vai raudtedme. Toižed lähembaižed lidnad oma Varkaus (Pohjoižsavo) 74 km suvipäivlaskmha orhal vai 109 km avtotedme, i Kuopio (Pohjoižsavo) 71 km päivlaskmha orhal, 93 km avtotedme vai raudtedme. «Jogensu — Kuopio»-raudtekeskust läbitab Outokumpud.
Vl 2020 lidnankundan pind — 584,06 km², sidä kesken kuiv ma 445,83 km², vezi i sokaz tahond ottas ühesandest (138,23 km²).
Eläjad vajehta
Vl 1980 lidnankundan eläjiden lugu oli 10 312 ristitud (kaikiš suremb ristitišt vspäi 1980), vl 2010 — 7 411 ristitud. Kaks' ristitud koumespäi elädas lidnankundan keskuses.
Mamankelen mödhe (2016): suomen kel' — 96,5%, ročin kel' — 0,1%, toižed keled — 3,4%.
Galerei vajehta
-
Lidnan ohjastusen pert'
-
Outokumpun Pühän Hengen ortodoksine jumalanpert'
(om saudud vl 1954, vn 2011 nägu) -
Outokumpu-kaivuden muzei
(vspäi 1982) -
Outokumpun raudtestancijan sauvuz
vl 2008
Homaičendad vajehta
- ↑ Lidnan industrialižen puišton sait (outokummunteollisuuskyla.fi). (suom.) (angl.) (ven.)
Irdkosketused vajehta
- Lidnan tobmuden sait (outokummunkaupunki.fi). (suom.) (angl.)
| Outokumpu Vikiaitas |