Nival

Nival (suom. i roč.: Nivala) om Suomenman lidn valdkundan keskuzpalan päivlaskmas, Pohjoižpohjanma-agjas. Se om agjan kudenz' lidn 11:späi eläjiden lugun mödhe.

Nival
Nivala (suom. i roč.)

Lidnanznam
Valdkund	Suomenma
Eläjiden lugu (2024)	10,399 ristitud
Pind	536,24 km²
Pämez'	Päivi Karikumpu (tal'vku 2015—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1867. Vspäi 1942 nikelin da vas'ken samine oli läz Nivalad. Kätihe lidnaks (suom.: kaupunki) vl 1992. Jäl'gmäine kaivuz tuli bankrotnendale vl 2017 ekologijan tarbhaičendoiden tagut.

Nival šingotase elektrotehnižel tegimel («Nordic Aluminium», alüminijasižed komponentad elektronikan täht), opendusen da tedon keskusil, turizmal.

Geografijan andmused

Lidnankund sijadase agjan suves, Kalajogen randoil (suom.: Kalajoki 130 km pitte, lankteb Baltijan merhe). Kaikiš znamasižemb järv om Pidisjärvi (se-žo kundan istorine nimituz) ani suvhe municipalitetan keskusespäi, Kalajogi läbitab sidä. Kaks' tošt järved oma Suojärvi suvižes čogas i Erkkisjärvi päivnouzmas. Malisjogi (suom. Malisjoki) läbitab Nivalan keskust i lankteb Pidisjärvhe.

Matkad agjan Oulu-pälidnhasai om 150 km pohjoižhe avtotel vai raudtel, Hel'sinkihesai om 418 km suvhe orhal, 482 km avtotedme vai raudtedme. Lähembaižed lidnad (avtoteidme) oma Haapajärvi 27 km suvipäivnouzmha, Haapavezi 37 km pohjoižpäivnouzmha i Üliviesk 28 km lodeheze. Nivalan raudtestancii radab «Iisalmi — Üliviesk»-keskustal.

Vn 2022 andmusiden mödhe lidnankundan ühthine pind om 536,24 km², sidä kesken kuivma — 527,18 km², vezi da sokaz tahond ottas 9,06 nellikkilometrad.

Tobmuz

Nivalan municipaline suim kogoneb 35 ezitajaspäi.

Edeline lidnan pämez' om Kari Valtanen (2008−2015).

Eläjad

Vl 1980 kundan eläjiden lugu oli 10 515 ristitud, vl 2000 — 11 079 ristitud, vl 2010 — 11 025 ristitud, vl 2020 — 10 643 ristitud. Kaikiš suremb kundan ristitišt oli 11 379 eläjad vl 1995. Ristituiden pol' eläb lidnankundan keskuses.

Mamankelen mödhe (2016): suomen kel' — 99,2 %, ročin kel' — 0,1 %, toižed keled — 0,7 %.

Galerei

• 
  Lidnan tobmuden pert' (2014)
• 
  Nivalan jumalanpert' (1803), vn 2019 nägu
• 
  Lidnan tehnologine keskuz vl 2013
• 
  Nivalan päraudtestancijan sauvuz vl 2008

Irdkosketused

• Lidnankundan oficialine sait (nivala.fi). (suom.) (+ tedod matknikoiden täht ročin, anglijan, saksan i venän kelil)