Kivi Obil

Kivi Obil (ven.: Ка́мень-на-Оби́) om Venäman lidn da lidnankund Altajan randan pohjoižes. Se om Kivin rajonan administrativine keskuz.

Kivi Obil
Камень-на-Оби

Lidnanznam
Valdkund	Venäma
Eläjiden lugu (2021)	32,385 ristitud
Pind	48,79 km²
Pämez'	Jevgenii Černišov (sulaku 2022—)
Telefonkod	+7−38 584-xx-xxx
Avtokod	22
Aigvö	UTC+7 (MSK+4)

Istorii

Eländpunktan aluz om pandud vl 1751 peniden küliden ühtištusel, nimitihe Salairan kräžan kall'on pall'astandan tagut. Torguindžilo sai lidnan statusad vl 1915, torguihe villäl. Saudihe Transsibad, i lidnan jogiportan znamoičend poleni. Vn 1933 10. päivhäsai sulakud lidnan nimi oli muite Kivi (ven.: Камень).

Kivi Obil-raudtestancii om saudud vl 1961. Lidn om maižanduzrajonan keskuseks, šingotase sömtegimišton i sauvondmaterialiden (raudbetontegesed, savič, asfal't, šebin') tegimil, mugažo mecan ümbriradai kombinat i metallantegim ratas.

Geografijan andmused

Lidn sijadase Obinjogen hural randal, 120..143 m ü.m.t. korktusil. Kulundan kastelendkanal (vspäi 1973, 180 km) zavodiše lidnanno. Matkad Barnaulhasai (lähembaine lidn) om 207 km päivnouzmha avtotedme vai raudtedme, Novosibirskhasai — 212 km pohjoižpäivnouzmha avtol.

Klimat om ven kontinentaline. Keza om läm', tal'v om hätkeline vilu kuivahk. Voden keskmäine lämuz om +1,6 C°, kezakun-elokun +17,0..+19,9 C°, tal'vkun-uhokun −14,5..−17,0 C°. Ekstremumad oma −52,5 C° (viluku) i +39,3 C° (viluku). Kezaaigan minimum om −2,6 C° (kezaku), tal'vaigan maksimum om +4,9 C° (uhoku). Ei voi panda halad heinkus. Paneb sadegid 381 mm vodes, enamba kezakus-elokus (43..59 mm kus), vähemba tal'vkus-sulakus (15..21 mm kus).

Tobmuz

Plotinnai-raudtestancii (Obin oiktal randal, 746 rist. vl 2016) mülüb lidnankundha Kivin Obil ližaks.

Lidnankundan tobmuden pämez' om sen Deputatoiden nevondkundan ezimez'. Edeline lidnan pämez' om Jurii Trofimov (keväz'ku 2017 — sulaku 2022). Lidnan erigoittud Administracii om likvidiruidud vn 2021 tal'vkus, oli likvidacijan pordhal vn 2016 heinkuspäi, likvidacižen laudkundan jäl'gmäine ezimez' oli Vladimir Baranov vn 2021 keväz'kuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 43 888 ristitud, lidnankundan — 44 648 ristitud, rajonan nell' videndest. Vn 2021 rahvahanlugemižen mödhe lidnan ristitišt oli 32 385 eläjad. Kaik 41 315 eläjad oli lidnas vl 2017. Kaikiš suremb lidnan ristitišt oli 43..45 tuh. eläjid vozil 1992−2012 (45 300 rist. vl 2005).

Ortodoksižen hristanuskondan nell' jumalanpertid oma kaičenus i saudud lidnas vspäi 1900.

Lapsiden opendusen aluzkundad oma severz'-se päivkodid, nell' keskškolad (nomer 1, 3, 9 i Plotinnai-stancijan), kaks' liceid (nomer 2 i 4 (kaks' adresad)), gimnazii (nomer 5. Je.Je. Parfönovan nimed), äprofil'ne openduzkeskuz (edel 2014. vot lapsiden sädamižen keskuz, ekologiž-biologine stancii i noren tehnikanradajan stancii eriži), lapsiden čomamahtoiden škol (edel vn 2017 elokud muzikškolad nomer 2 i 3, čomamahtoine škol i rajonan čomamahtoiden škol eriži), sportškol. Professionaližen opendusen aluzkundad: Kivin pedagogine i medicinine kolledžad, agrotehnine tehnikum, mugažo Barnaulan i Novosibirskan üläopendusen aluzkundoiden filialad.

Galerei

• 
  Venäman Penziifondan palakund (2019, ende Zorin-torgovanan pert')
• 
  Kaiken Venäman ph. Tihon-patriarhan jumalanpert', vn 2019 nägu (om saudud vll 1996−2002)
• 
  Kivin pedagogine kolledž (2019)
• 
  Kivin medkolledž (1. viluku 2008)
• 
  Raudtesild Obiš päliči vl 2011
• 
  Kivi Obil-päraudtestancijan sauvuz vl 2009

Irdkosketused

• Kivi Obil-lidnan da Kivin rajonan tobmuden aluzkundoiden sait (kamenrai.gosuslugi.ru). (ven.)
• Kivin rajonan informacine sait (izvestiy-kamen.ru). (ven.)
• Lidnan informacine sait (kamen-sity.narod.ru). (ven.)
• Kivin rajonan kodirandantedištandmuzejan sait (kamensk.altai.muzkult.ru). (angl.)