Holm (lidn, Venäma)

lidn Venämas


Holm (ven.: Холм) om Venäman lidn da lidnankund Uz'lidnan agjan suvipäivlaskmas. Se om Holman rajonan administrativine keskuz.

Holm
Холм
Lidnanznam
Kholm COA (Pskov Governorate) (1781).png
Valdkund Venäma
Eläjiden lugu (2017) 3,445 ristitud
Pind 8,59 km²
Holm Холм
Pämez' Valentina Vitäzeva
(sügüz'ku 2016—)
Telefonkod +7−81 654-xx-xxx
Avtokod 53
Aigvö UTC+3 (MSK+0)

IstoriiRedigeeri

Eländpunkt seižui torguindteil Mustmerennoks, mainitase ezmäižen kerdan vl 1471 kuti Hol'mov'skii pagast (ven.: Холмовьский погост) Pol'šanman Kazimir IV-kunigahan kožundkirjeižes Uz'lidnanke. Nimitihe korktan kukhan mödhe jogen randal. Posad sai makundan lidnan statusad Pskovan gubernijas vn 1777 3. päiväl elokud. 19. voz'sadal oli tetab sijaližil pramozloil, venehiden da toižiden jogiastjoiden tegmižel.

Äjad pertid oliba muretud täuzin Suren sodan aigan vl 1942, vedihe torategendoid lidnas da sen ümbrištos.

Holm šingotase mecan varhapanendan da ümbriradmižen edheotandoil.

Geografijan andmusedRedigeeri

Lidn sijadase Lovat'-jogen randoil (Il'mjärven bassein), 65 m ü.m.t. keskmäižel korktusel, keskuz om oiktal randal. Matkad Surhe Uz'lidnhasai om 150 km pohjoižhe orhal vai 200 km avtotedme. Lähembaine lidn om Toropec (Tverin agj) 78 km suvipäivnouzmha orhal vai 95 km avtol.

Holm om lidnankundan üks'jäine eländpunkt.

EläjadRedigeeri

Vn 2010 Venäman rahvahanlugemižen mödhe eläjiden lugu oli 3 830 ristitud, rajonan kaks' koumandest. Kaikiš suremb lidnan ristitišt oli 6 800 eläjad vl 1913, Suren sodan jäl'ghe — 4 849 ristitud vl 1989. Ortodoksižen hristanuskondan Jumalanmaman Tihvinan jumalaižen pühäpert' om udessündutadud vll 1991−2003 kivižes olendas.

IrdkosketusedRedigeeri



Uz'lidnan agjan lidnad
Boroviči | Čudovo | Holm | Okulovk | Pen' Višer | Pestovo | Sol'ci | Sur' Uz'lidn | Valdai | Vanh Russ