Sol'ci (ven.: Сольцы́) om Venäman lidn Uz'lidnan agjan päivlaskmas. Se om Sol'cin ümbrikon (edel vn 2020 keväz'kud rajonan) administrativine keskuz.

Sol'ci
Сольцы
 Lidnanznam
 Flag
Valdkund Venäma
Eläjiden lugu (2021) 8,449 ristitud
Pind 10,15 km²
Sol'ci Сольцы
Telefonkod +7−81 655-xx-xxx
Avtokod 53
Aigvö UTC+3 (MSK+0)

Istorii vajehta

Eländpunkt mainitase ezmäižen kerdan Uz'lidnan aigkirjas vl 1390, eläjad saiba keitandsolad purtkišpäi. Sol'ci-raudtestancii om «Piter — Vitebsk»-keskustal vspäi 1904. Posad sai lidnan statusad vl 1914. Edel Toist mail'man sodad mineralveziden kurort sijazihe täs.

Lidn oli okkupiruidud Suren sodan aigan (14−16 i 22. heinku 1941 — 21. uhoku 1944). Torgovanoiden erižpertid da laukad oma kaičenus lidnas. Vl 1975 ühtištadihe lähižid eländpunktoid lidnanke.

Sol'ci šingotase elektrotehnižel «Ellips»-tegimel[1] (magnitveimed, transformatorad, drosselid) i sömtegimištol (leibtegim, maidtegim), mugažo turizmal.

Geografijan andmused vajehta

Lidn sijadase Šelon'-jogen hural randal tobjimalaz (vanh. ven.: Шалонь, 248 km pitte, Il'mjärven bassein), 30 m ü.m.t. keskmäižel korktusel. Šelon' om laivjogeks lidnaspäi mödvedhe suhusai. Matkad Surhe Uz'lidnhasai om 72 km pohjoižpäivnouzmha orhal vai 78 km avtotedme. Lähembaine lidn om Dno (Pskovan agj) 40 km suvipäivlaskmha orhal vai raudtel, 60 km avtol.

Bombardiruilendimiden Sol'ci-sodail'mbaz om kahtes kilometras pohjoižhe lidnaspäi.

Tobmuz vajehta

Jogol'nik-külä (66 rist. vl 2010) i Dubec-külä (koume eläjad vl 2010) mülüiba lidnankundha Sol'cin ližaks edel sen tühjitandad vn 2020 keväz'kus. Lidnankundan pind oli 39,84 km².

Jäl'gmäine lidnan pämez' (Deputatoiden nevondkundan ezimez') om Igor' Kolesov (kül'mku 2016 — reduku 2020). Lidnan Deputatoiden nevondkund om pästtud radmaspäi vn 2021 sulakus.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 10 086 ristitud, lidnankundan — 10 155 ristitud, rajonan kaks' koumandest. Vl 2017 kaik 8 995 ristitud elihe lidnas i 9 052 ristitud kaikes lidnankundas. Kaikiš suremb lidnan ristitišt oli 12 900 eläjad vl 1998.

Rahvahad (enamba 0,4 % vl 2021): venälaižed — 68,9 %, čiganalaižed — 1,1 %, ukrainalaižed — 1,0 %, vaugedvenälaižed — 0,5 %, armenijalaižed — 0,5 %, toižed rahvahad — 2,3 %, rahvahuden ozutandata — 25,7 %.

Ortodoksižen hristanuskondan viž pühäpertid[2] oma kaičenus i saudud lidnas: Illä-endustajan päjumalanpert' (kivine — 1824−1825) i Jumalanmaman Katken puine jumalanpert' (18. voz'sada), mugažo kaks' časounäd, vanhuskolaižiden loičendpert' om avaitud.

Vanhan Russan agrotehnižen kolledžan Sol'cin filial[3] om lidnan professionaližen opendusen aluzkundaks.

Galerei vajehta

Homaičendad vajehta

  1. Elektrotehnižen «Ellips»-tegimen sait (Sol'ci, zavod-ellips.ru). (ven.)
  2. Sol'cin pühäpertid sobory.ru-saital.(ven.)
  3. Sol'cin filial Vanhan Russan agrotehnižen kolledžan agrocollege.edusite.ru-saital. (ven.)

Irdkosketused vajehta



Uz'lidnan agjan lidnad
Boroviči | Čudovo | Holm | Okulovk | Pen' Višer | Pestovo | Sol'ci | Sur' Uz'lidn | Valdai | Vanh Russ