Belozersk
Belozersk (ven.: Белозе́рск) om Venäman lidn da lidnankund Vologdan agjan päivlaskmas. Se om Belozerskan rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2021) | 8,464 ristitud |
| Pind | 44,58 km² |
| |
| Pämez' | Jevgenii Šaškin (keväz'ku 2017—) |
| Telefonkod | +7−81 756-xx-xxx |
| Avtokod | 35 |
| Aigvö | UTC+3 (MSK+0) |
Istorii vajehta
Eländpunkt mainitase kirjutadud purtkiš ezmäižen kerdan vl 862 kuti Beloozero-lidn. Se oli olmas ende Šeksnanjogen niškan molembil randoil. Vozil 1238−1485 lidn oli Beloozeron ruhtinazkundan keskuseks, ičeohjastusenke vhesai 1380 (Kulikovon tora). Vl 1352 pošav tegihe, sauvoškatihe ut lidnad nügüdläižel sijal, 17 km päivlaskmha Šeksnanjogen niškaspäi. Vanh lidn oli olmas 15. voz'sadahasai.
Eländpunkt sai lidnan oficiališt statusad vodel 1777 nügüdläiženke nimenke.
Belozerskan ižandusen päsarakod oma mecan ümbriradmine i sömtegimišton edheotandad. Kakanpüdandan edheotandad čihoziba torhuden olmatomuden tagut.
Geografijan andmused vajehta
Belozersk sijadase Vaugedjärven suvižel randal, 130 m ü.m.t. keskmäižel korktusel, Volgan-Baltijanmeren vezitel (Belozerskan kanal).
Kuz' eländpunktad mülüdas lidnankundha lidnale ližaks: nell' küläd, Kargolom-futor i Peredovik-sijaine, kaikiš suremb om Maeks-külä (474 rist. vl 2002) kahtes kilometras päivlaskmha randadme.
Tobmuz vajehta
Lidnankund om sätud vn 2006 1. päiväl vilukud. Lidnan ohjastuz alištub rajonadministracijale.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 9616 ristitud, lidnankundan — 10 147 ristitud. Vl 2015 Belozerskan lidnankundan ristitišt oli 9641 eläjad, sen pind — 44,58 km², 9172 ristitud eliba arni lidnas. Lidnan kaikiš suremb ristitišt oli 12..12,3 tuh. eläjid vozil 1970−1996.
Ortodoksižen hristanuskondan 12 pühäpertid[1] oma saudud lidnas: Jumalanmaman Emäganpäivän i Spasan Toižetamižen päjumalanpertid, ühesa jumalanpertid, ph. Kirill Novojezerolaižen časoun'.
Belozerskan industrialiž-pedagogine kolledž[2] om lidnan professionaližen opendusen aluzkundaks.
Transport vajehta
Eriližed avtoted ühtenzoittas lidnad Čerepovecanke i Vologdanke.
Lähembaine raudtestancii om Čerepovec. Lähembaine rahvahankeskeine lendimport om Čerepovecan aeroport, se sijadase 85 kilometrad Belozerskaspäi Čerepovecan rajonan Botovo-žilos.
Galerei vajehta
-
Belozerskan Kreml'
-
Pühän Jumalanmaman Emäganpäivän päjumalanpert', vn 2017 nägu
-
Paštatezsija vl 2017, ende vintegim
-
Torguindrividen sauvuz (2019)
-
Kul'turkeskuz Sergei Vikulovan nimed (2013)
.jpg)
Homaičendad vajehta
Irdkosketused vajehta
- Lidnan tobmuden aluzkundoiden oficialine portal (gorod.belozer.ru). (ven.)
- Belozerskan kodirandantedištandmuzei (belozermus.ru). (ven.) (angl.)
- Tedod Belozerskas matkadajile mccme.ru-saital. (ven.)
| Belozersk Vikiaitas |
| Vologdan agjan lidnad | ||
| Babajevo | Belozersk | Čerepovec | Gräzovec | Harovsk | Kadnikov | Kirillov | Krasavino | Nikol'sk | Sokol | Sur' Ustüg | Tot'm | Ustüžn | Vitegr | Vologd | ||