Virrat

Virrat (mugažo suomen kelel, virktas [ˈʋirːɑt], roč.: Virdois) om Suomenman lidn valdkundan suvipäivlaskmas. Se om Pirkanma-agjan üks'toštkümnenz' lidnankund 12:späi eläjiden lugun mödhe.

Virrat (veps. i suom.)
Virdois (roč.)

Lidnanznam
Valdkund	Suomenma
Eläjiden lugu (2024)	6,214 ristitud
Pind	1,299,07 km²
Pämez'	Henna Viitanen (2021—)
Telefonkod	+358-(0)3
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländpunktan aluz om pandud vl 1868 kuti kund. Kätihe lidnudeks vl 1974, se sai lidnan statusad vl 1977.

Virrat šingotase maižandusen rajonan keskuseks sen produkcijan ümbriradmižen edheotandoidenke, mugažo turizmal.

Geografijan andmused

Lidn sijadase agjan pohjoižröunanno, Toižvezi-järven (suom.: Toisvesi) suvirandoil, mugažo peniden Sekkis- (suom. Siekkisjärvi) da Härkössel'gan (suom. Härkösselkä) jarviden keskes.

Kaik kuz' avtoted ühtenzoitasoiš lidnas. Matkad agjan Tampereh-keskushesai om 105 km suvhe, Jüväskülähäsai om 114 km päivnouzmha, Porihesai — 152 km suvipäivlaskmha, Seinjogihesai — 90 km lodeheze, Hel'sinkihesai — 240 km suvhe orhal vai 290 km avtotedme.

Vn 2022 andmusiden mödhe lidnan ühthine pind om 1 299,07 km², sidä kesken kuivma — 1 162,68 km², vezi i sokaz tahond ottas 136,39 nellikkilometrad.

Tobmuz

Kaik 15 küläd mülüdas lidnankundha. Virratan municipaline suim kogoneb 27 ezitajaspäi.

Edeližed lidnan pämehed oma Juha Viitasaari (kül'mku 2019 — viluku 2021), Vesa Haapamäki (semendku 2010 — 2019), Tapani Leppänen (radoi vozil 1993−2010).

Eläjad

Vl 1980 lidnankundan eläjiden lugu oli 9 621 ristitud, sil aigalpäi kaik poleneb. Vl 2000 kundan ristitišt oli 8 236 eläjad, vl 2010 — 7 514 eläjad, vl 2020 — 6 536 eläjad. Rahvahantiheduz om 5,34 rist./km² vl 2024 (oli 5,98 rist./km² vl 2016).

Mamankelen mödhe (2016): suomen kel' — 97,7 %, ročin kel' — 0,1 %, toižed keled — 2,2 %.

Galerei

• 
  Lidnan ohjastusen pert' (2015)
• 
  Virratan jumalanpert', vn 2011 nägu
• 
  Sild Herraskosken kanalas päliči lidnan lodehes (2017)
• 
  Virratan kirjišt (2015)
• 
  Virratan sportzal (2015)
• 
  Pöud vändoiden täht vl 2015

Irdkosketused

• Lidnan oficialine sait (virrat.fi). (suom.)