Somero

Somero (mugažo suomen i ročin kelil, suomen virkand: [ˈsomero]) om Suomenman lidn da lidnankund Suvipäivlaskmaine Suomenma-agjas.

Somero

Lidnanznam
Valdkund	Suomenma
Eläjiden lugu (2024)	8,450 ristitud
Pind	697,68 km²
Pämez'	Sami Suikkanen (reduku 2013—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländpunkt om tetab 14. voz'sadaspäi kuti torguindan sija. Municipalitetan aluz om pandud vl 1867. Ühtištadihe Somerniemi-kundanke vl 1977. Somero-kund sai lidnan statusad vl 1993.

Somero šingotase metallan ümbriradmižel (teraztöd), saguden tehmižel i turizmal.

Geografijan andmused

Lidnankund sijadase provincijan päivnouzmas, Paimionjogen randoil (roč.: Pemar å 110 km pitte).

Matkad agjan Turku-keskushesai om 72 km päivlaskmha orhal vai 85 km avtotel. Matkad Hel'sinkihesai om 93 km suvipäivnouzmha orhal vai 103 km avtotedme. Lähembaižed lidnad (avtol) oma Forss 26 km pohjoižhe i Salo 34 km suvipäivlaskmha.

Vn 2022 andmusiden mödhe lidnan ühthine pind om 697,68 km², sidä kesken kuivma — 667,98 km², vezi da sokaz tahond ottas 29,70 nellikkilometrad.

Tobmuz

Kundan territorii mülütab 48 kadastrišt küläd. Someron municipaline suim kogoneb 35 ezitajaspäi.

Edeline lidnan pämez' om Leo Haltsonen (1996−2013).

Eläjad

Vl 1980 kundan eläjiden lugu oli 10 289 ristitud, vl 2000 — 9 789 ristitud, vl 2010 — 9 330 ristitud, vl 2020 — 8 715 ristitud. Kaikiš suremb kundan ristitišt oli 11 653 eläjad (Somerniemi-kundata) vl 1950.

Mamankelen mödhe (2016): suomen kel' — 96,5 %, ročin kel' — 0,5 %, toižed keled — 3,0 %.

Galerei

• 
  Lidnan ohjastusen pert' (2011)
• 
  Someron lüteranine jumalanpert', vn 2015 nägu
• 
  Jäpert'kulu (2002)
• 
  Traktormuzei (2010)

Irdkosketused

• Lidnan ohjastusen sait (somero.fi). (suom.) (angl.)